Ɛsekeɛl 11:20 - mzwDBL

²⁰ Ásɛ baa teŋɛ me Mmarare ne n waa ta kɛrɛdɛ. Mɛɛ kpɔ baa ɛ n nɛra, ásɛ n ɛ Korowii baa dɛɛ tom mɛ.

Ɛsekeɛl 11:20 ပူးပေါင်းရင်းမြစ်များ

Ɛsekeɛl 14:11

Anee dɛ́ ɡel Israel tena berɛ ba n be, dɛ́ ɡel wechɔɡa ta teŋa, dɛ bɛ doŋa kpɔ kah ba te. Baa ɛɛ n nɛraa, ásɛ n ɛ Korowii baa dɛɛ tom mɛ. Men Nemenɛ Korowiirii bola.’ ”

Yela 105:45

ɡɛ aa ɛ ásɛ baa teŋɛ o Mmarare, ne waa waa do ba a ta la ta. Hé kpɛɛ Korowii!

Jeremia 30:22

Gɛɛ hɛɛ ba n nɛra ɛɛ, ásɛ n ɡe ɛ Korowii haa dɛɛ tom mɛ.”

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

1 Kɔrent 11:2

N dɛ kpɛɛ heyaa liira haa dɛ lii n waa bwa wobɛlbwa ta, dɛɛ teŋɛ waa Korowii aa baɡ mɛ asɛ n ɡe baɡle heyaa la ta.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Jeremia 32:38

Baa ɛ n nɛraa, ásɛ n ɡe ɛ Korowii baa dɛ tom mɛ.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Yela 119:1

Nɛra ba we-ɛɛla aa toɡra, baa teŋɛ Korowii Mmarare ta la, ba na som.

Sɛɡla 9:6

Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

Ɛsekeɛl 43:11

dɛ sihiih kpo ba ba wechɔɡa baa ɛa la wa aa, baɡ ba ɡɛ n Dea la mar aa doa. Gɛ o bini mar ne o doonyoo baa cheɡɛ a ta jo dɛɛ le, dɛ́ baɡ ba o waa bwa. Chwerɛ waa nɔ bwa bil ba, ásɛ ba won na ɡɛ Dea la wobɛlbwa aa doa, ásɛ ba jemɛ dɛ́ won dɛɛ teŋɛ mmarare la bwa ta.

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Jeremia 24:5

“Kenii men Korowii Israel tena aa dɛ tom mɛ la ŋɔ, ‘Fiɡ nɔndɛɛɡa la do kɛŋɔ, Juda tena maa ɡela ba laɡ ba laa ta kaa bojaŋ harɛ Babelɔn.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Ɛsekeɛl 37:23

Baa voɡaa tomɛ, dɛɛ ɛ waa maa kia dɛ kah doŋa, kɛɛ dɛ ɛ wechɔɡa bɛlbwa kpa, dɛkalkɛ mɛɛ lɛɛ baa le wechɔɡa bwa aa ɡela ba le habɔɔ la taa, dɛ́ laa doŋa bɛlbwa kpɔ ba nɛ. Mɛɛ kpɔ baa ɛ n nɛra, n ɡe ɛ Korowii baa dɛɛ tom mɛ.