Ɛsekeɛl 11:19 - mzwDBL

¹⁹ Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 11:19 ပူးပေါင်းရင်းမြစ်များ

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Ɛsekeɛl 18:31

Hé laa he te kpɔ wechɔɡa bɛlbwa ta, dɛ́ dɔ bambidɛɛɡe ne liifala dɛɛ teŋɛ n waa ta. Israel tena, ɛrɛɛ hɛɛ nyin kɛ he serewe nɔɔ?

Sekaria 7:12

Ba ɡelɔ ba bambile do kpeɡri kɛŋɔ bwe ken, dɛ vɛh waa maa cheɡɛ n Doma ta dɛ bol baɡle n saŋ la keamere la ta teŋa. Anomanta, men Koranar Bwa Kooro baah di ba nɛɛ taeh.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Amanesoma Jɔn Aa Chwera Tɔn 14:26

Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

Sefania 3:9

A ɡɛ saŋ la, mɛɛ beɡre harɛre nɛra bwa liiree, ásɛ dɛ ɡel ba ɡel voɡa toma dɛɛ yerɛ n sɔn ɡbo. Ba bwa ɛɛ pɛ nyoa dɛɛ tom mɛ.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?

Amanesoma Luk Aa Chwera Tɔn 11:13

Dɛ he wechɔɡ-ɛɛra nɔ kwaraa jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola nɛra baa dɛ soŋo o Domadɛɛɡe la tenee tɛo!”

Ɛfesos 4:23

dɛ́ ɡel Korowii kwaa he bambile ne he liire bwa á berɛ anfala.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Ɛsekeɛl 37:14

Mɛɛ kpɔ n Domaa ba so he nɛɛ hé dɔ mkpa, ásɛ n kpɔ heyaa kaa he ɡbaɡba harɛ ta ka so. Ásɛ he jemɛ kɛŋɔ men Korowii, waa maa bola la, n ɛa. Men Korowiirii bola.’ ”