Ɛsekeɛl 11:12 - mzwDBL

¹² Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Ɛsekeɛl 11:12 ပူးပေါင်းရင်းမြစ်များ

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

2 Koranar 16:3

dɛ teŋɛ waa Israel koranar aa ɛa la ta. Hale o kpo o bibaa dɛ fuuh ɛ saraha. Dɛ ɡɛ waa la ɛ voɡtoroma harɛre nɛra Korowii aa doŋ ba tɛ Israel tena, ba tɔ sie ba so o ta la nawee wa. Dɛ Korowii kia.

2 Koranar 18:12

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Ba koni fɔo ba ne waa fɔwa la, ba ta waa Korowii fa aa cheɡɛ o bonɔɔ Mosis nɛɛ dɛ kpɔ tɛɛ ba la noɛ, dɛ kpɔ ɛ wa.

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Koranar 21:22

O berɛ habɔɔ kpo Korowii o naawa aa toma la, dɛ vɛh Korowii waa ta teŋa.

2 Koranar 21:9

Kɛ Juda tena vɛoh, Kooro Manasɛ ɡelɔ ba nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

2 Webena 13:9

He laa doŋi Korowii sɔfore baa ɛ Arɔn naanar ne Lewi dea tena, dɛ berɛ le nɛra bane so ba buɡ ta, ɡɛ harɛre ane nɛra aa ɛa la aa? Nomɛlbwa ɛɛ won kpɔ nabale kɛɛ peera anuanɛ ba ŋɔ bá sɔ o doŋa ta, dɛ́ ɛo kerekpoŋri kwaa haa dɛ yera he voɡa la ta.

2 Webena 28:3

O kpoo kwaa dɛ fuah ɛ saraha Bɛn Henɔm Fɛlembɔjen bini. O kpo o bibaala, dɛ fuuh ba ɛ saraha, dɛ teŋɛ harɛre ane nawee waa Korowii aa kia, dɛ koh a wa doŋ ba le ba Israel tena sie la ta.

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Ɛsra 9:7

Le ya naawa bere saŋ ba le fini, ya wechɔɡa kan kohona. Anomanta, ya ne ya koranar ne sɔfore bwaa harɛre ane koranar lawɛ laa ta dɛ kpoo yaa, dɛ pa ya laala kaa. A ɡel sihiih kpo yaa, asɛ ya do ba lɔɡa ba le fini nɔ.

Nehemia 9:33

He waa toɡrɔ dɛ dɔ kasinteŋ kɛŋɔ he tɛr ya deŋne, a lole kɛŋɔ ya ɛ wechɔɡa.

Nehemia 9:34

Ya koranar ne nomonome ne sɔfore, dɛ ya naawa ta he Mmarare ta teŋɛ. Ba ta waa haa do ba a ta ne waa haa kah ba ta teŋɛ.

Yela 78:10

Ba ta Korowii fɔo o ne baa fɔwa la ta teŋɛ, dɛ vɛh o Mmarare la.

Jeremia 10:2

“He bɛ harɛre nɛra bane we-ɛɛla ta dɛɛ teŋɛ. He bɛ waa aa dɛ chiɡ nyundua, dɛɛ baɡle waane aa ha heya, a lole kɛŋɔ harɛre nɛra bane te dɛ ɔma.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Ɛsekeɛl 11:21

Kɛ banɔ la ba bambili taa lɔ kondoŋa ne voɡa maa kia ta la te, mɛɛ tɛr ba deŋne a waa. Men Nemenɛ Korowiirii bola.”

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 18:9

Nɛn waa do ɡɛ nɔɔ dɛɛ teŋɛ me Mmarare ta kɛrɛdɛ. O waa toɡrɔ, wɛɛ dɔ o nyuu kɛrɛdɛ. Men Nemenɛ Korowiirii bola.

Ɛsekeɛl 20:16

dɛkalkɛŋɔ, ba vɛh me Mmarare, ba ta n waa ta teŋɛ, dɛ chɔɡ Ona Tɔpera la. Ba liire bwa lɔ ba voɡare ta.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Ɛsekeɛl 20:24

dɛkalkɛ ba vɛh n wa, ne me Mmarare maa kpɔa tɛɛ ba la ta teŋa, dɛ chɔɡ n Ona Tɔpera la, dɛ tomɛ voɡa la tenten ba naawa aa toma la.

Ɛsekeɛl 5:6

Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Ɛsekeɛl 8:10

Ate, n jo dɛ ka na kwaa aa dɛ tuuɡi tea ta, ne anɔ la aa dɛ huuh, ne ola maa kia bwa, Israel tena voɡa baa ɛa dɛɛ toma bwa dawɛ danjwɛɛre la bwa ta.

Ɛsekeɛl 8:14

Korowii berɔ laɡ mɛ ba o Dea la weekaŋle nyunduabɔr doonyoa la ta, asɛ n na haahna bane baa soɡa dɛɛ wi ba voɡ bɛl baa dɛ yerɔ Taamus la seo.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Daneɛl 9:10

ya ta hen Korowii yaa dɛ tomɛ la waa noɛ, kɛɛ he Mmarare haa cheɡɛ he bonɔɔna baa ɛ he keamere nɛɛ dɛ kpɔ tɛ yaa la ta teŋɛ.

Lewi Dea Tena 18:3

He bɛ ɛ kɛŋɔ Ijipt tena he fa aa soɡe ba bini la, ne Keenan tena maa dɛ kaa he ne ba bini nɔ. He bɛ ba we-ɛɛla la kpɔ.

Lewi Dea Tena 26:40

Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,