Ɛsekeɛl 11:1 - mzwDBL

¹ Korowii Doma la ɡɔɔ men Ɛsekeɛl kaa nyundua, dɛ kpɔ mɛ ba Jerusalam Korowii Dea wee leebɔr doonyoa la ta. Belaa n na baala fifraanɛ dɛ banue, dɛ Asuur bibaa Jaasania, ne Bɛnaya bibaa Pɛlatea baa ɛ Israel harɛ nomonome ja ba nɛ.

Ɛsekeɛl 11:1 ပူးပေါင်းရင်းမြစ်များ

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

2 Koranar 2:16

dɛ ŋɔ o be ŋɔ, “Yan yaa ɛ he bonɔɔna lɔ baala fifraanue ya bwara aa kpeɡa bonɔ. Gel yá ka ɡaaɡe he nomoa bɔr, Korowii domaa ken baa kpɔɔ kaa dɛ ka ɡelo bwejen bɛl doa kɛɛ fɛlembɔjen bɛl bini.” Anee Elaesa ŋɔ, “Akai, he bɛ nomɛlbwa tomɛ.”

2 Koranar 25:23

Juda laa nomonome la bwa ne ba laa tena baa wola ban lawɛ kaa la aa noa kɛŋɔ Babelɔn kooro le Gedalia o ɛ ba harɛ nomoa la, ba la o be Mispa. Banee Nɛtanea bibaa Ismael, ne Karea bibaa Johanan, ne Tanhumet bibaa Seraya, o ɛ Nɛtɔfa te. Dɛ Jaasania, waa ɛ Maaka te bɛl bie, dɛ ba bala.

Aesaya 1:10

Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Ɛsekeɛl 10:19

Maa nyiŋa la, n nao kɛ Kerobim la paɡri kena dɛ ir kaa nyundua, a ne saaker nakpale la. A kaa che Korowii Dea wee leebɔr doonyoa la ta, asɛ Korowii Israel tena aa dɛ tomɔ la jirima tɔ a nɛ.

Ɛsekeɛl 10:22

A siebɔra do kɛŋɔ anɔ la n fa aa naa Keba Moo la bɔr la. Bɛlbwa pa sie dɛɛ kaa, aa a te berɛ.

Ɛsekeɛl 11:13

N nyoa taa lɔ waa aa dɛ ba ba nɛɛ bala ta mɛɛ bol la, Bɛnaya bibaa Pɛlatea den chole sewɛ. Belaa n kpɔ sie pi harɛ, dɛ do lɔŋɔ lokua ne kohona ŋɔ, “Nemenɛ Korowii, amɔ he dɛ ba nɛra baa ka Israel harɛ bwa chɔɡa kwaraa kɛɛ?”

Ɛsekeɛl 11:24

Wepila la ta la, Korowii Doma la kpɔ mɛ ir ba n bala baa laɡ ba kaa harɛfale ta Babelɔn la be. Belaa wepila la ba a jaɡa,

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 3:12

Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Ɛsekeɛl 37:1

Korowii kpeɡri ba men Ɛsekeɛl nɛ, asɛ o Doma kpɔ mɛ le ka che fɛlembɔjen bɛl bini, dɛ hoɡa su o ta bwa.

Ɛsekeɛl 40:6

Belaa o kaa doonyoa waa chaɡɛ wee leebɔr la ta, dɛ ka che kon baa cheɡɛ o ta dɛɛ teeh la, dɛ teeh kaa nyundua dɛ ka maɡɛ doonyoa waa lɔ bela ɡe, o ɡe lɔ naɡale anuanaarɛ.

Ɛsekeɛl 41:1

A habɔɔ la, baa la laɡ mɛ ba Korowii Dea la bini waa do ɡoroŋ, dɛ ba maɡɛ o doonyoa daa la. Baŋ bɛlbwa paɡri lɔ naɡale anuanaarɛ.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Hosia 5:10

Juda sitɔɔla do kɛŋɔ ŋwɛɛra baa dɛ huɡri harɛre jwɛh bwea. N baah ɛɛ di ba nɛɛ kohonaa, kɛŋɔ nee aa sua dɛɛ chɔɡ kwaa la ken.

We-ɛɛla 8:39

Baa le nee la ta la, Korowii Domadɛɛɡe baa kpɔ Felep kaa buɡ la ta. Nomoa la ta on nae kpa, dɛ chiɡ ŋwɛnɛ ta kaa silɛɛ ne.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.