Ɛsekeɛl 1:26 - mzwDBL

²⁶ Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Ɛsekeɛl 1:26 ပူးပေါင်းရင်းမြစ်များ

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Yela 45:6

He kora Korowii aa lea cheɡe, ɛɛ cheo saŋ bɛlbwa dɛɛ la, kasinteŋii hɛɛ ba kpɔe, dɛ́ nyiŋi he nɛra nɛ.

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Ɛsekeɛl 1:22

N na komɛl aa bɔle hweera kwa la nyundua dɛ do ɔma kohona, dɛɛ nyɛɡle kɛŋɔ dombwea ken.

Ɛsekeɛl 1:5

Maa nyiŋi nii la bini la, n na hweera kwaa anaarɛ a mar aa do kɛŋɔ nɛn bela,

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 43:6

Dɛ baa la cheɡɛ n jwɛh, asɛ n no nomɛl taa Korowii Dea la bini wɛɛ bol waa n be.

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Ɛsekeɛl 8:2

N nyiŋo dɛ na komɛl wepila ta kɛŋɔ nɛn ken. Le o chara ta kaa o nakpale ta do kɛŋɔ ninlao ken, dɛ berɛ le o chara ta kaa o nyundua ɡe do kɛŋɔ ayaawa baa looru wɛɛ nyɛɡle.

Daneɛl 10:18

Ate, o berɛ kwaa leɡ mɛ, asɛ n dɔ bokpeɡa.

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Hibru 1:8

O bol o Bie la waa ja, dɛ ŋɔ, “Korowii, he kora ɛɛ cheo saŋ bɛlbwa dɛɛ la. Kasinteŋii hɛɛ ba kpoŋa dɛɛ di kora he nɛra nɛ.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 8:1

Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Wepila 1:13

dɛ na komɛl kɛŋɔ nɛn ken, o do batakaarejaŋ o tel o napaala ta, dɛ vɔwɛ suuɡaswɛm kiriso o bambile ta, dɛ do suuɡaswɛm kandea daa la baah ta.

Wepila 14:14

Asɛ n nyiŋi dɛ na bampoŋ bɛl, nomɛl so o ta kɛŋɔ nɛn, dɛ pi suuɡaswɛm kooɡbɛrɛ, dɛ kpoŋe kerenyɛɡ.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 5:13

Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ, “Naate waa soɡe kookara la ta la ne Pebie la chɛ kpɛɛra ne duure ne jirima, dɛ dɔ kpeɡri bwa saŋ bɛlbwa dɛɛ la.”