Ɛsekeɛl 1:10 - mzwDBL

¹⁰ Siebɔra hweera kwaa anaarɛ la aa dɔa la kokoɡrɔ. Gɛ aa doa teŋa nɔ. Nɛn siebɔr lɔ o sie, nyujente siebɔr do diɡ, nabal siebɔr do ɡal, asɛ kee siebɔr do habɔɔ.

Ɛsekeɛl 1:10 ပူးပေါင်းရင်းမြစ်များ

1 Webena 12:8

Baala bane le Gad dea dɛ ba ja Kooro Devid laa tena la nɛɛ dekpeɡ la ta pua hɛŋle ɡbo harɛ ta bobɛl. Ba ɛ banyoola baa kpoŋe kwaa baa kpɔa tɔ ɡbemɡbe dɛɛ yo laa ne lampeare. Ba siebɔra do ɔma kɛŋɔ nyujentena ken, dɛ do ɡbaŋre kɛŋɔ kweɡli aa lɔ bwejena dor.

Job Tɔn 39:27

He bee kee ɛɛ hweli o kɔr sɔeh nyundua aa?

Sɛɡla 14:4

Bela baa kpɔ nae dɛɛ parɛ la, dɛ nae toole naa, kondikwa aa le do. Kɛ nae lɔ bela tenaa, kondikwaa dɛ bu.

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Aesaya 46:8

Wechɔɡ-ɛɛra, hé lii waa nɔ, dɛ́ ɡel a ka he nyu bini. Hé ɡel he siwi swɛɛ a ta.

Ɛsekeɛl 1:6

bɛlbwa dɔ siebɔra anaarɛ ne kena anaarɛ.

Ɛsekeɛl 10:14

Kerobim la bɛlbwa dɔ siebɔra anaarɛ. Onla waa tɔ sie do kɛŋɔ nabal siebɔr, nɛɛte do kɛŋɔ nɛn siebɔr, toorote do kɛŋɔ nyujente siebɔr, naarɛte la ɡe do kɛŋɔ kee siebɔr.

Ɛsekeɛl 41:19

Bɛl siebɔr do kɛŋɔ nɛn, dɛ chaɡɛ bambie daa la baŋ bɛl, bɛl ɡe siebɔr do kɛŋɔ nyujente, dɛ chaɡɛ bambie daa la baŋ bɛl. Ba ɛa dawɛ danjwɛɛ la ta bar,

Daneɛl 7:4

“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.

Nɛra Kura 2:10

Weekaŋle harɛbɔr peraa chɛ kɛŋɔ Rubin dea tena ne debele anɛ nɛra baa ja ba nɛɛ bwa baŋre ba tɛnte deene dɛ́ so ba fraŋkaa jwɛh. Sɛdor bibaa Elisur ɛ Rubin dea nɛra la sitɔɔ.

Nɛra Kura 2:18

Wee cholibɔr peraa chɛ kɛ Efrem dea tena ne debele anɛ aa ja ba nɛɛ baŋre ba tɛnte deene dɛ́ so ba fraŋkaa jwɛh. Amihud bibaa Elisama waa le Efrem dea ɛ ba sitɔɔ.

Nɛra Kura 2:25

Weekaŋle nyunduabɔr ɡe, Dan dea tena ne debele anɛ tena baa ja ba nɛɛ baŋre ba tɛnte deene dɛ́ so ba fraŋkaa jwɛh. Amisadai bibaa Ahiesa waa le Dan dea ɛ ba sitɔɔ.

Nɛra Kura 2:3

Juda dea tena la, a chɛ kɛ bá bɔne ba bini, dɛ́ baŋre ba tɛnte deene wee leebɔr pera, dɛ́ so denaa ta ba fraŋkaa jwɛh. Aminadab bibaa Naasɔn ɛ Juda dea nɛra la sitɔɔ.

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Wepila 4:7

Hweera kwaa nɔ bɛl do kɛŋɔ nyujente, bɛl do kɛŋɔ nabal, bɛl siebɔr do kɛŋɔ nɛn, bɛl ɡe do kɛŋɔ kee aa paɡri o kena dɛɛ ir la ken.

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”

Sitɔɔla 14:18

Wee aa dɛ ba joe la, nɛra la baɡle Samsen waa la mun ŋɔ, “Tohnoo som ɡwaa komɛlbwa. Nyujente bwara kpeɡri ɡwaa komɛlbwa.” Anee Samsen chaŋe ŋɔ, “N haah laa baɡle heya aa, he fe aa won jemɛ waa nɔ mun.”