Ɛsekeɛl 1:1 - mzwDBL

¹ Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Ɛsekeɛl 1:1 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 46:2

Korowii kpɔ o te baɡlo bela deera ta jwaana dɛ yerɔ ŋɔ, “Jekɔb.” Asɛ o sɛh dɛ ŋɔ, “Menee la.”

Yela 137:1

Ya soɡe Babelɔn harɛ neerare nyoo, belaa ya lii Saayɔn waa dɛ wi.

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Jeremia 29:15

He ken ɛɛ dɛɛ boloo ŋɔ, “Korowii tɛ yaa o keamere Babelɔn harɛ ta,

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 10:10

He nyiŋi saaker nakpale la aa, anaarɛ la bwa le dɔŋa. A do kɛŋɔ bɛlbwa berɔ su o dɔŋ ta ken.

Ɛsekeɛl 10:15

Belaa Kerobim la ir kaa nyundua. Anee hweera kwaa n fa aa naa Keba Moo la bɔr la.

Ɛsekeɛl 10:20

A ɡɛ hweera kwaa nɔɔ n fa na Korowii Israel tena aa dɛ tomɔ jirima tɔ a nɛɛ Keba Moo la bɔr la. Anee ɡela n jemɛ kɛŋɔ a ɛ Kerobim.

Ɛsekeɛl 10:22

A siebɔra do kɛŋɔ anɔ la n fa aa naa Keba Moo la bɔr la. Bɛlbwa pa sie dɛɛ kaa, aa a te berɛ.

Ɛsekeɛl 11:24

Wepila la ta la, Korowii Doma la kpɔ mɛ ir ba n bala baa laɡ ba kaa harɛfale ta Babelɔn la be. Belaa wepila la ba a jaɡa,

Ɛsekeɛl 3:15

N ba n bala baa laɡ ba ba Babelɔn harɛ bobɛl baa dɛ yerɔ Tɛl Abib la be, o bɛne Keba Moo la. N soɡe ba be tɔpera anuanɛ, asɛ n bwara yɔr waa maa naa la wa.

Ɛsekeɛl 3:23

Ate, n ir dɛ kaa bela. N na Korowii jirima bela ɡɛ n fa aa nao Keba Moo nyoa la, asɛ n kpɔ sie pi harɛ.

Ɛsekeɛl 40:2

Korowii kpɔ mɛ kaa Israel harɛ ta ka chɔŋɛ bwejen bɛl waa kaa nyundua kohona doa chaahna ta. Bwejen la weekaŋle harɛbɔr, n na deene ane bela kɛŋɔ bwɛjen bɛl ken.

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Hosia 12:10

N bol waa keamere la be, dɛ ɡel ba na wepila taeh, dɛ che ba nɛɛ kpɔ sɛɡla bol waa he be dɛ ja heya.

Joel 2:28

Korowii berɔ ŋɔ, “A habɔɔ la, mɛɛ tɛ nɛra bwa soo siwii n Doma la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Nɛra Kura 4:3

Kure baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma.

Matiu 17:9

Baa le bwejen la doa dɛɛ ba la, Yeesu ja ba ŋɔ, “He bɛ waa nɔ haa naa nɔ taa baɡle nomɛlbwa bwa, dɛ́ ka tel ɡɛ saŋ Korowii aa ɡel Men Nɛn Bie ir seo ta mɔɔ.”

Matiu 3:16

Waa sɔɔ Korowii nee la tonɛ la, Yeesu le nee la ta dɛ ba che baŋ. Nyundua pilo, asɛ o na Korowii Domadɛɛɡe o do kɛŋɔ borɔnoma ken dɛ ba so o nɛ.

Amanesoma Mak Aa Chwera Tɔn 1:10

Buɡ la ta, Yeesu aa le nee la ta la, o nao kɛŋɔ nyundua pilo, asɛ Korowii Domadɛɛɡe do kɛŋɔ borɔnoma ken dɛ ba so o nɛ.

Amanesoma Luk Aa Chwera Tɔn 3:21

Gɛ saŋ Jɔn fa aa dɛ sɔ nɛra la bwa Korowii nee la, o sɔ Yeesu ɡe. Yeesu nee sɔe ta, waa dɛ soŋe Korowii la, nyundua pilo,

Amanesoma Luk Aa Chwera Tɔn 3:23

Gɛ saŋ Yeesu aa pa mun dɛɛ ɛ o toma la, dɛ o di bene dɛ ɛ fifraatoro, dɛ nɛra dɛ lii kɛŋɔ Josef biee. Josef ɡe mɛɛɛ Heli,

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

We-ɛɛla 10:11

O nao kɛŋɔ nyundua aa pera, asɛ ba lawɛ komɛl kɛŋɔ yajen o nyoo bɔre anaarɛ bwa, kwaane do o ta a saɡɛ jɛɛhjɛɛh dɛ le nyundua dɛɛ ba harɛ.

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

We-ɛɛla 7:56

asɛ o ŋɔ, “Hé na! N na nyundua aa pila asɛ Nɛn Bie la che nomombɔr Korowii diɡ ta bela!”

2 Kɔrent 12:1

A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ.

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”