Ɛsta 9:20 - mzwDBL

²⁰ Mɔdekae chwerɛ waa aa chiɡa la bwa bil. O berɔ chwerɛ tɔne ka tɛ Juu tena baa soɡe Kooro Sɛksɛs harɛre bojaŋa ne bela aa bɛno bwa ta.

Ɛsta 9:20 ပူးပေါင်းရင်းမြစ်များ

1 Webena 16:12

Hé lii o nyokpowaa waa ɛa, o wejena ne o waa aa dɔ kasinteŋ la wa,

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Ɛsta 1:22

O ɡelɔ ba kpɔ mmara la kaa harɛre waa dɛ di kora a ta la bwa ta. Ba chwerɔ tɛ harɛ bɛlbwa tena, ɡɛ ba chwera ne ba wobol aa doa, kɛŋɔ baa bɛlbwa ɛɛ di nomonome o dem.

Ɛsta 3:12

Korobiloɡle tɔpera fi dɛ atoro ta la, Heeman yerɛ kooro nomonome bwa cheme. O ɡelɔ ba chwerɛ ɡɛ waa bol Juu tena waa la wobol bwa soo siwi aa lɔ harɛre la bɛlbwa ta, ne ɡɛ ba chwera aa doa, dɛ kpɔ ka tɛ koranar ne nomonome baa chɔ harɛ bɛlbwa nyoa, ne ba nomonjena bwa. Kooro sɔn taa ba chwera, dɛ kpɔ o noniseɡ ɛɡɛ a ta, asɛ a ɛ mmara, dɛ chɔ le saŋ bɛlbwa.

Ɛsta 8:9

Sevan korobie tɔpera fifraanɛ dɛ atoro ta la, Mɔdekae yerɛ kooro nomonome la bwa cheme, dɛ ɡel ba chwerɛ mmara tɔne ka tɛ Juu tena ne koranar, ne nomonome baa chɔ harɛre bwa nyoa, ne nomonjena dɛ le harɛre lafa fifraanɛ dɛ anuanɛ la bwa ta, dɛ le India harɛ kpoŋe kaa Itiopia harɛ ta. Ba chwerɔ ka tɛ wobobele aa lɔ harɛre la bwa ta, ne ɡɛ a bɛlbwa chwera aa doa, hale Juu tena bwa jao.

Ɛsta 9:19

A waa Juu tena baa lɔ bwɛjeɡre ta kpɔ a ɡɛ korobie la tɔpera fi dɛ anaarɛ wee la ɛ ba tɔpejen, dɛ di kwa dɛɛ lɛ ba sie, dɛ berɛ dɛɛ kɛ kwaa o ta.

Ɛsta 9:21

O ŋɔ bá kpɔ Adar korobie tɔpera fi dɛ anaarɛ ne fi dɛ anue wee la ɛ tɔpejena dɛɛ dia bena bɛlbwa,

Ɛsta 9:26

Anomanta, dɛ ba dɛ yerɛ ɡɛ tɔpere nɔ Purim, tɔn Mɔdekae aa chwera ne waa aa puu ba la bwa wa.

Ɛsta 9:27

Juu tena la lɛo dawɛ ba nɛɛ kɛŋɔ, ba ne ba naanar ɛɛ nyiŋi kɛrɛdɛɛ, dɛɛ di ɡɛ tɔpera anɛ la bena bɛlbwa. Hale banɔ la baa wola Juu tena ɛɛ, dɛ kpɔ ba te ba ja ba nɛɛ la bwa jao. Asɛ baa dia ɡɛ Mɔdekae aa do ba, ne saŋ waa lea cheɡ tɛɛ ba la.

Ɛsta 9:29

Anomanta, Abihel bihaah Ɛsta waa ɛ kooro haah la kpɔ kpeɡri waa dɔa la, asɛ Juu te Mɔdekae la chao, dɛ chwerɛ o Ɛsta ɡbaɡba tɔn dɛ bol Purim dii la wa, ásɛ a ɡel Mɔdekae tɔn nɛɛte la won ɛ toma kɛrɛdɛ.

Kaala 17:14

Asɛ Korowii ŋɔ Mosis be ŋɔ, “Chwerɛ ɡɛ waa nɔ do tɔn bini á ɛ waa aa chɔ kerekere. Gel Josua no dɛkalkɛ n dɛ ba Amalɛk tena chɔɡa baa wola ba waa no harɛ nɔ ta bobɛlbwa kpa.”

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.