Ɛsta 9:13 - mzwDBL

¹³ Belaa Ɛsta chaŋo ŋɔ, “N naa, dɛ hɛɛ sɛoh waa, tɛ Juu tena baa lɔ Susa bonɔ ŋwɛnɛ kere ɡe ba ɛ ɡɛ baa ɛa fini nɔ, dɛ́ kpɔ Heeman bibaala fi la lala la ka saɡɛ daa ta.”

Ɛsta 9:13 ပူးပေါင်းရင်းမြစ်များ

Ɛsta 8:11

Kooro waa la tɛ Juu tena baa lɔ bwɛjena bwa ta la kpeɡri kɛŋɔ, bá cheme dɛ́ won yo lɛ ba nyu. Ba dɔ ŋwɛnɛ kɛ bá kpoo laa tena baa le wobol bɛlbwa ne harɛ bɛlbwa ta, dɛɛ ba dɛ́ ba yo ba ne ba haahna ne bii la, dɛ́ kpɔ ba kondɔɔh.

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Ɛsta 9:15

Adar korobie tɔpera fi dɛ anaarɛ wee la, Juu tena baa lɔ Susa la chemo. Ba kpoo nɛra lafraatoro bwɛɛ la ta ja, kɛ ba ta ba komɛlbwa kpɔe.

2 Samoɛl 21:9

Kooro Devid kpɔ ba do Gebeɔn tena nɔn ta ba kpoo ba, dɛ kpɔ ba saɡɛ deŋɡare bɛl ta Korowii sie. Nɛra banuanɛ la bwa sewɔ tɔpebeŋkpoŋ. Awola laanee baa pa mea koma mun, asɛ dɛ kpoo ba.

2 Samoɛl 21:6

Anomanta, lawɛ o naanar banuanɛ baa ɛ baala tɛ yaa yá kpoo ba dɛ́ saɡ ba Korowii sie Gebea waa ɛ Kooro Sɔɔl bwɛɛ nɔ ta.” Asɛ kooro chaŋe ŋɔ, “Mɛɛ lee baa tɛ heya.”

Ɛsta 9:14

Kooro no ɡɛ dɛ ɡel Susa tena no dɛ ɡel ba saɡɛ Heeman bibaala fi la.