Ɛsta 8:15 - mzwDBL

¹⁵ Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Ɛsta 8:15 ပူးပေါင်းရင်းမြစ်များ

Mumpar 41:42

Kooro laa o noniseɡ o nyanyini kon aa dawɛ o ta la foo do Josef, dɛ kpɔ yapondɛɛɡe batakaare ɡe doo, dɛ kpɔ suuɡaswɛm jɔɡrɔre baŋa kwaa ɡe do o baŋa.

Ɛsta 1:6

Bela baa di kwaa la, ba paaɡe pilare baa kpɔ bwedɛɛɡa ane soo siwi maa bar, asɛ dɛ kpɔ pateesanpoŋa ne pateesanburumre saɡre a ta bar. Ba berɔ pɛrɛ jisepoŋ ne jisekɔl pɛ, dɛ kpɔ do pateesanre la ta, dɛ lawɛ vɔwɛ suuɡapoŋa noniseɡa baa kpɔa paaɡe pilare la ta kaa. Ba kpɔ suuɡaswɛm ne suuɡapoŋa, dɛ ɛ bobɛl o ir nyundua. Ba kpɔ bwedɛɛɡa a yoɡ aa kpeɡa ampoŋa ne answɛɛma, ne anɔ la aa dɛ nyɛɡle, dɛ anɔ la aa ɛ burum bwa, dɛ kwaa bela harɛ o do wer.

Ɛsta 10:2

Wejena waa ɛa o kora dii saŋ, ne ɡɛ bwa waa ɛ Mɔdekae nomonjen la, ba chwerɔ do Midia ne Pɛɛsea koranar waa tɔne bini.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Ɛsta 5:11

Ba bwa aa baa cheme la, o kpɔ o kondɔɔh aa kana ne o bibaala wara baa wara dɛ ta nyoa. Dɛ berɛ baɡle ŋwɛnɛ kooro aa cheɡɛ o ta dɛ tɛo jirima, ne nomonome waa tɛo o ɡwaa o dɔŋa nomonjena ne banɔ la baa dɛ ɛ toma koodem la bwa.

Ɛsta 6:11

Anomanta, Heeman lɛ koolaala la ne jaaɡɔ la kaa Mɔdekae be, dɛ ka kpɔ laala la doo, asɛ Mɔdekae teeh so jaaɡɔ la ta. Heeman kpɔɔ kpɔ bwɛɛ la fɔɡbaahna, o nyoa che chiŋ wɛɛ ŋɔ, “Hé na ɡɛ kooro aa ɛ nɛn o bambile aa lawɔ kɛ ó tɛo sɔn!”

Ɛsta 6:8

Ŋɔ he bonɔɔna la be bá kpɔ he ɡbaɡba laala haa dɛ doa la ane ba, dɛ́ berɛ kpɔ jaɡre haa dɛ so a ta la bɛl ɡe ba. Gel bá kpɔ kondɛɛɡe haa kpɔa dɛɛ dawɛ he jaaɡɔ nyu ta, aa baɡle kɛŋɔ he jaaɡɔɔ la ba dawɛ ɡɛ jaaɡɔ la nyu ta.

Ɛsta 8:14

Kooro aa do mmara la nomanta, o toroma la soɡe o jaɡre la ta kaa wɔrɔbe nɛ. Bane kpɔ waa la perɛ koobwɛɛ Susa ɡe bwa ta.

Sɛɡla 11:10

Nɛn o wa aa toɡra dɔ kɛrɛdɛ naa, bwɛɛ la tena bwa sie dɛ lɛ, kɛ dɛ nɛnchɔɡe baa sewaa, bɛlbwa dɛ mamɛ.

Sɛɡla 28:12

Nɛndɛɛɡa baa di nomonome aa, nomɛlbwa sie dɛ lɛ, kɛ nomonchɔɡa balaa, ɡɛɛ nomɛlbwa hɔrɔme.

Sɛɡla 29:2

Nɛndɛɛɡa baa di kora aa, nomɛlbwa sie dɛ lɛ, dɛ nɛnchɔɡa ɡe baa di aa, nomɛlbwa dɛ hime.

Matiu 11:8

Dɛ ɡɛ laa ɡe aa, dɛ bɔkwa tenee he ka nyiŋi ɔ? Nɛn waa do laaladɛɛɡaa he ka nyiŋi kɛɛ? Nɛra baa dɛ do laaladɛɛɡa la, kooderemii ba do.

Matiu 6:29

Kɛ n dɛ ŋɔ he be ŋɔ, Kooro Solomɔn ɡba ne o kondɔɔh bwa, o laala ta wer doe kɛ a ɡɛ kwaa nɔ bwa.

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.