Ɛsta 8:10 - mzwDBL

¹⁰ Kooro Sɛksɛs kpeɡri taa Mɔdekae che dɛ ɡel ba chwerɛ tɔne la, asɛ dɛ kpɔ noniseɡ la ɛɡre a ta, dɛ kpɔa tɛ nɛra ba so kooro jaɡre aa won chwae ta, dɛ kpɔ tɔne la ka bɔne tɛ nɛra baa soɡe o harɛre la bwa ta.

Ɛsta 8:10 ပူးပေါင်းရင်းမြစ်များ

1 Koranar 21:8

Jɛsɛbɛl kpɔ Kooro Ahab sɔn chwerɛ tɔne asɛ o kpɔ o noniseɡ ɛɡre a ta, dɛ tomɛ ba kpɔ ka tɛ nomonome ne banɔ la baa soɡe nomombɔra Jesreel bela Nabɔt aa lole la.

1 Koranar 4:28

Bɛlbwa kpɔ jaaɡe ne kpɔɡa baa tɛ jaɡre baa kpɔ torɔɡore vɔwa ne mea aa kaa la bwa.

2 Webena 30:6

Kooro la ɡelɔ toroma kpɔ tɔne la kaa Israel ne Juda harɛre bwa ta kɛŋɔ, “Israel tena, he le Asiiria tena laa baa yo heyaa la nyoa. Hé berɛ kpɔ he te tɛ Korowii Abraham ne Aesek dɛ Jekɔb aa tomɔ la, ásɛ o ɡe lawɛ heyaa ba o be.

Ɛsta 8:8

Taraken nɔ, n tɛ heyaa ŋwɛnɛ kɛ hé kpɔ n sɔn, dɛ́ chwerɛ mmarafale ja ka tɛ nɛra baa lɔ n harɛre la bwa ta, dɛ́ tɔ Juu tena kpoora la ŋwɛnɛ. Hé chwerɔ ɡɛ bɛlbwa haa dɛ nyin. Hé chwerɔ tonaa, hé kpɔ n noniseɡ ɛɡre a ta, dɛkalkɛŋɔ tɔne baa chwerɛ n sɔn ta dɛ kpɔ n noniseɡ ɛɡre a ta la, nomɛlbwa aa won tire a ta.”

Job Tɔn 9:25

N soɡa bini tɔpera dɛ kaa warawara kɛŋɔ nɛn waa dɛ chwa, silɛɛ bɛlbwa ɡe toole a ta.

Wejereme 8:4

Kooro aa dɛ di kpeɡri nomanta, dɛ o bol waa, umee dɛ́ won tɔŋlo wɔ?

Aesaya 60:6

Baa ba nyoɡmare nee kohona, dɛ́ ba perɛ harɛ nɔ bwa. Midian ne Efa harɛre taa aa ba lee. Seeba tena ɛɛ ba suuɡaswɛm ne daawiile nee, dɛɛ kpɛɛ men Korowii.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Jeremia 2:23

Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Jeremia 51:21

Henee n kpɔ kpoo jaɡre ne nɛra baa soɡe a ta, dɛ paɡre kwaa aa do kɛ torɔɡore baa vɔwa pɛl jaɡre, ne nɛra baa soɡe a ta bwa.

Daneɛl 4:1

Kooro Nebukadnesa chwerɛ tɔn kaa harɛ bɛlbwa ta ka tɛ wobol bɛlbwa nɛra. O ŋɔ, “N dɛ na heya!

Daneɛl 6:8

N naa kooro, do ɡɛ mmara la dɛ́ ɡel ba chwerɔ, ásɛ he kpɔ nɔn ɛɡɛ o ta, ásɛ nomɛlbwa bɛ won berɔ ɡɛ baa wola won Midia ne Pɛɛsea tena mmara berɛ la.”