Ɛsta 7:4 - mzwDBL

⁴ Ba yoɡ yaa tɛ ŋɔ bá kpoo yaa, dɛ́ he yaa kwaraa. Dɛ yoɡaa ba yoɡ yaa kɛŋɔ yoma kwaraa naa, n fe ta waane dɔe dɛ́ bol dɛɛ hae.”

Ɛsta 7:4 ပူးပေါင်းရင်းမြစ်များ

Nehemia 5:5

Ya ne ya bala Juu tena bwa beŋkpoŋ. Gɛɛ ya bii ne ba ɡe bii ɛ kɛrɛdɛ, kɛ ya kpɔ ya bibaala ne bihaahna do ba lɔɡa kɛŋɔ yoma ken, ya bihaahna bane tɔ sie ɛ yoma. Taraken ya ta kpeɡri bɛlbwa dɔe kpa, dɛkalkɛ ya kooni ne daa kooni berɛ nɛra bane kwa.”

Ɛsta 3:13

Ba le toroma bá kpɔ tɔne la kaa harɛre kooro aa di kora a ta la bwa ta. A bini waa dɛ chaɡle kɛ bá kpoo Juu tena bwa. Toli ne bonɔɔna ne nomonome, dɛ haahna ne bechale, bɛlbwa bɛ ka, bá ɛa tɔpebeŋkpoŋ. Adar korobie o tɔpera fi dɛ atoro weeree aa ba chiɡa, ásɛ ba pa ba laala ɡe bwa.

Ɛsta 3:9

Dɛ hɛɛ sɛoh waa, do mmara, ásɛ ya kpoo ba. A ba ɡɛ naa, mɛɛ bɔ suuɡapoŋa a tɔɡre aa ɛ kilore kaɡboŋa lafraatoro fifraanaarɛɛ do he kara mun tɛ nɛra baa kpoo a ɡɛ nɛra la.”

Ɛsta 7:5

Kooro Sɛksɛs bɔɔ Ɛsta ŋɔ, “Ume baahnee sua o won ɛ ɡɛ waa nɔɔ? Naate sɛ?”

Ɛsta 7:6

Anee Ɛsta chaŋo ŋɔ, “Nɛnchɔɡe Heeman nɔɔ ya dɔm waa do yaa ɡɛ wahala nɔ ta.” Belaa ɔmee chole Heeman nɛɛ kohona kooro ne o haah Ɛsta sie.

Ɛsta 8:11

Kooro waa la tɛ Juu tena baa lɔ bwɛjena bwa ta la kpeɡri kɛŋɔ, bá cheme dɛ́ won yo lɛ ba nyu. Ba dɔ ŋwɛnɛ kɛ bá kpoo laa tena baa le wobol bɛlbwa ne harɛ bɛlbwa ta, dɛɛ ba dɛ́ ba yo ba ne ba haahna ne bii la, dɛ́ kpɔ ba kondɔɔh.

Ɛsta 8:6

Ɛrɛɛ mɛɛ ba wona so nyiŋi, ásɛ wechɔɡa nɔ bwa dɔŋa chiɡ n nɛra Juu tena nɛɔ? Maa won so nyiŋi bá kpoo n dem nɛra.”

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

Daneɛl 6:2

o le nomonjena batoro ɡe ba chɔ ba nyoa, dɛ́ nyiŋi na kɛŋɔ nomonome la dɛ ɛ wobɛlbwa aŋwɛnɛ ta, ásɛ wobɛlbwa won kaa ɡɛ kooro aa dɛ nyin. Daneɛl ne nɛra banɛ banee o le.

Joel 3:6

He lawɛ Juda harɛ ne Jerusalam tena le ba harɛ ta kaa bojaŋ harɛ ta, dɛ ka yoɡ ba tɛ Grik tena.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

Amanesoma Luk Aa Chwera Tɔn 12:45

Kɛ dɛ bonɔɔ la ta ɡɛ liire, dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’ dɛ do o dɔŋa bonɔɔna la ne toli baa kaa la nɛɛ dɛɛ lɔɔ, dɛ di kwaa dɛ nyɔ sen dɛɛ dɛɛ raa, amɔ wɛɛ na waa.

Mmarare 28:68

Wɛɛ berɔɔ kpɔ heyaa do stiimaere bini, dɛ́ kaa he ne Ijipt harɛ ta. Kɛ onee fa ŋɔ he be ŋɔ haa belaa tire kpa la. Ásɛ he yoɡ he te tɛɛ ba kɛŋɔ yoma ba vɛh he yawa.”

Josua 9:23

A ɡɛ waa haa ɛa nɔ, Korowii taah heya, haa ba he ba dɔ he nyu dɛɛ di pɛɛpɛɛ kpa bwa. Le fini dɛɛ kaa hɛ́ɛ dɛɛ teŋni daa, dɛ́ che nee dɛɛ la Korowii Dea.”

1 Samoɛl 22:23

So n be bonɔ, dɛɛ berɛ ɔma. Nɛn waa dɛ nyini dɛ́ kpo la, dɛ́ nyin n ɡe dɛ́ kpo. He lɔ n be bonɔ naa, hɛɛ dɔ he nyuu.”