Ɛsta 7:10 - mzwDBL

¹⁰ Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Ɛsta 7:10 ပူးပေါင်းရင်းမြစ်များ

Mumpar 40:22

asɛ dɛ teŋe paanowɔɔra nomoa la nyu ɡɛ Josef aa bola la.

Ɛsta 2:1

A habɔɔ, Kooro Sɛksɛs baah sɔɔhnɔ tama, asɛ o lii Vasti wa, ne waa waa ɛa la, ne ɡɛ waa koh o waa do mmara la.

Ɛsta 5:14

Heeman daamanar ne o haah la ŋɔ o be ŋɔ, “Gel ba pa daa o jaŋne aa ɛ naɡale fifraanuanɛ dɛ anue kaa nyundua, ásɛ he ŋɔ kooro be ŋɔ, ó ɡel ba saɡɛ Mɔdekae o ta kere chɔɔ. A ba ɡɛ naa, he ne kooro ɛɛ won berɛ la kondikonjena la bɔr, ásɛ he sie lɛ.” Ba wobol la wer tɛ Heeman kɛrɛdɛ, anomanta, o sɛoh dɛ ɡel ba pa daa la.

Ɛsta 7:7

Kooro baah diu kɛrɛdɛ o ir ɡel sen waa dɛ nyɔ la, dɛ le buse ka jo koodem bodɛɛɡe bobɛl baa du daa ane la. Heeman nao kɛŋɔ kooro dɔɔ kpɔ liire ɡɛ waa dɛ ba o deŋne tɛra. Anomanta, o soɡo dɛɛ soŋe kooro haah Ɛsta ŋɔ ó lɛo ta.

Ɛsta 7:8

Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Ɛsta 8:7

Belaa Kooro Sɛksɛs chaŋe o haah ne Juu te Mɔdekae ŋɔ, “Vɔrɔwa Heeman aa vɔrɔwa ŋɔ bá kpoo Juu tena bwa la nomanta, n kpɔ o kondɔɔh bwa tɛ Ɛsta, dɛ ɡel ba ka saɡɔ.

Ɛsta 9:14

Kooro no ɡɛ dɛ ɡel Susa tena no dɛ ɡel ba saɡɛ Heeman bibaala fi la.

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

Job Tɔn 18:8

Ba ɡbaɡba soɡa bini we-ɛɛla dɛ laɡ ba kɛŋɔ bel ken, ba valɛ kaa jo o ta.

Job Tɔn 20:8

Hɛɛ na baa fini, kere dɛ ba toole kpa kɛŋɔ deera ken, kɛŋɔ wepila haa naa jwaana, haa wola an na kpa la.

Yela 37:15

kɛ ba ɡbabir tokobie dɛ́ kpoo ba, ba tori kuuɡi.

Yela 7:16

Naɡrenyin waa baa liira la ɡure ba nɛ, waa baa ba a ne la, ba ɡbaɡbaa dɛ́ na a wa.

Yela 94:23

Wɛɛ bɔ ba kem ba wechɔɡa waa, dɛ́ chɔɡ ba ba nyubinikpeɡ wa. Korowii yaa dɛ tomɔ la ɛɛ chɔɡ baa.

Sɛɡla 11:27

He dɛ nyin wedɛɛɡa aa, nɛra dɛ nyin he wa, kɛ he dɛ nyin wechɔɡa aa, he dɛ dɔ.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Sɛɡla 26:27

He kwi nafuɡe aa, he ɡbaɡbaa dɛɛ le o bini. He ɡbili bwe ŋɔ he ta he dɔŋ nɛ aa, wɛɛ berɔ ba he nɛ.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Daneɛl 6:25

Asɛ Kooro Dareɔs chwerɛ tɔne ka tɛ wobol te bɛlbwa nɛra baa lɔ harɛre ne o harɛ ta bwa. O ŋɔ, “N dɛ na he bwa!

Sekaria 6:8

Ate, Korowii nyundua torome la yer mɛ dɛ ŋɔ, “Jaɡre aa kpɔ sie chaɡɛ weekaŋle nyunduabɔr Babelɔn harɛ dɛ kaa la, kaa sɔɔh Korowii bandia nyoa.”

Sitɔɔla 15:7

Anee Samsen ŋɔ ba be ŋɔ, “Waa haa ɛa nɔ nomanta, maa ɡela ba, ka tel kɛŋɔ maa tɔ n wel he nɛ.”