Ɛsta 6:12 - mzwDBL

¹² Baa tona la, Mɔdekae berɔ ka so koodem doonyoa la ta. Heeman ɡe kpɔ sihiih ne baŋaɡola dɛ le bela kaa o dem warane.

Ɛsta 6:12 ပူးပေါင်းရင်းမြစ်များ

2 Samoɛl 15:30

Kooro Devid teŋɔ teeh kaa Ɔlevere Bwejen la doa dɛ kaa wi, o kpɔ kon bɔle nyu dɛɛ valɛ nakpapɛɛ, a baɡle kɛ o loo kuu. Nɛra baa ja o nɛɛ la bwa ɡe kpɔ kwaa tɔ nyuune dɛ wi teŋɛ, dɛ teeh dɛɛ kaa.

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

1 Koranar 20:43

Ate, Kooro Ahab kpɔ sum ne bandia kaa o koodem Samaria.

1 Koranar 21:4

Ate, Kooro Ahab kpɔ sum ne bandia kaa dem, waa Nabɔt aa bola baɡlo kɛŋɔ “Maa n naawa kapɛrɛ konee kpɔ tɛɛ” la wa. Asɛ bwaawee farɔ o ka chɔ dɛ vɛh kwaa dii.

1 Koranar 21:6

Kooro chaŋe o haah ŋɔ, “Nabɔt waa lɔ Jesreel la bee n ŋɔ ó yoɡ o daa koo tɛ mɛ, dɛ ɡɛ laa ɡe aa, ń tɛo bɛl o chiɡ o kon la naa ta. Kɛ o vɛoh ŋɔ waa kpɔ tɛ mɛ.”

2 Webena 26:20

Sɔfo Asaria ne sɔfore la nyoa kpoo baa nyiŋu, dɛ na kɛ wee lɔ o tile ta, asɛ ba doŋu le buse warane. Dɛ o ɡbabir kwaraa fe dɛ nyin buse lee wubwa, dɛkalkɛŋɔ Korowiirii dɛɛ tɛr o deŋne.

Ɛsta 2:19

Ba berɔ ba toli la ne koodem bela nɛɛtena, dɛ Mɔdekae dɔ nomonome dɛ so koodem doonyoa bela.

Ɛsta 6:11

Anomanta, Heeman lɛ koolaala la ne jaaɡɔ la kaa Mɔdekae be, dɛ ka kpɔ laala la doo, asɛ Mɔdekae teeh so jaaɡɔ la ta. Heeman kpɔɔ kpɔ bwɛɛ la fɔɡbaahna, o nyoa che chiŋ wɛɛ ŋɔ, “Hé na ɡɛ kooro aa ɛ nɛn o bambile aa lawɔ kɛ ó tɛo sɔn!”

Ɛsta 7:8

Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

1 Samoɛl 3:15

Samoɛl chɔɔ asɛ tɔɔ per chɔmbibi o ir dɛ ka ya Korowii Dea ɡbeni la. Dɛ o dɛ ɔmɛ kɛ o bol waa waa noa le Korowii be la Eli be,