Ɛsta 5:9 - mzwDBL

⁹ Heeman iro le bela, o sie lɛ kohona. Kɛ waa na Mɔdekae o so koodem doonyoa bela, waa wola ire che dɛ kpɔ duure tɛo o ba kaa la, o baah berɔ di kohona.

Ɛsta 5:9 ပူးပေါင်းရင်းမြစ်များ

1 Koranar 21:4

Ate, Kooro Ahab kpɔ sum ne bandia kaa dem, waa Nabɔt aa bola baɡlo kɛŋɔ “Maa n naawa kapɛrɛ konee kpɔ tɛɛ” la wa. Asɛ bwaawee farɔ o ka chɔ dɛ vɛh kwaa dii.

1 Koranar 21:6

Kooro chaŋe o haah ŋɔ, “Nabɔt waa lɔ Jesreel la bee n ŋɔ ó yoɡ o daa koo tɛ mɛ, dɛ ɡɛ laa ɡe aa, ń tɛo bɛl o chiɡ o kon la naa ta. Kɛ o vɛoh ŋɔ waa kpɔ tɛ mɛ.”

Ɛsta 2:19

Ba berɔ ba toli la ne koodem bela nɛɛtena, dɛ Mɔdekae dɔ nomonome dɛ so koodem doonyoa bela.

Ɛsta 3:2

Koojen do nɛra baa lɔ koodem bela dɛɛ ɛ toma la bwa ŋɔ, báa ɡuŋi Heeman harɛ, dɛ́ɛ duuru saŋ bɛlbwa. Ba bwa dɛ ɛ ɡɛ, kɛ dɛ Mɔdekae te aa on ɡɛ ɛ.

Ɛsta 3:5

Heeman ɡbabir aa naa kɛŋɔ Mɔdekae aa on harɛ ɡuŋi dɛɛ duuru la, o baah diu kɛrɛdɛ.

Ɛsta 5:13

Ane abwa, n ta sie na ɡɛ Juu te Mɔdekae aa soɡe koodem doonyoa bela la aa, anɔ bɛlbwa aa n siwi su kpa.”

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Job Tɔn 31:31

dɛ n dem nɛra fe ta bolɛ ŋɔ, ‘Umee wola Job nɔn ta ola dɔe chwe kohona kaɔ?’

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Yela 27:3

Dɛ laa tena bar mɛ cheme aa, n bambile aa teŋe. Hale n dɔma ba dɛ yoo mɛ kwaraa naa, hen Korowii nɛɛ n hwɛɡa ta do.

Daneɛl 3:13

Ate, Kooro Nebukadnesa baah di kohona, asɛ o ɡel ba ka yerɛ Sadrak ne Mesak dɛ Abɛdnɛɡo, dɛ ba ba ne o sie.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Amanesoma Luk Aa Chwera Tɔn 6:25

He banɔ nɔ haa vaɡra taraken nɔ, hé bwɛɛlɛ! Lɔr ɛɛ ba kpo heyaa taeh. He banɔ nɔ haa dɛ mamɛ taraken nɔ, hé bwɛɛlɛ! Hɛɛ ba wiu.

Amanesoma Jɔn Aa Chwera Tɔn 16:20

Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.

We-ɛɛla 7:54

Nomonome la aa no ɡɛ Steeven aa bola la, dɛ ba baah diu, baa pwee dɛɛ chwee bobɛlbwa.

Jems 4:9

Hé ɡel he tea bini chɔɡ, hé wi. Hé ɡel he mama berɛ wii ásɛ he silɛɛ ɡe berɛ sum.