Ɛsta 5:14 - mzwDBL

¹⁴ Heeman daamanar ne o haah la ŋɔ o be ŋɔ, “Gel ba pa daa o jaŋne aa ɛ naɡale fifraanuanɛ dɛ anue kaa nyundua, ásɛ he ŋɔ kooro be ŋɔ, ó ɡel ba saɡɛ Mɔdekae o ta kere chɔɔ. A ba ɡɛ naa, he ne kooro ɛɛ won berɛ la kondikonjena la bɔr, ásɛ he sie lɛ.” Ba wobol la wer tɛ Heeman kɛrɛdɛ, anomanta, o sɛoh dɛ ɡel ba pa daa la.

Ɛsta 5:14 ပူးပေါင်းရင်းမြစ်များ

2 Samoɛl 16:21

Anee Ahetofɛl chaŋe ŋɔ, “La ka lawɛ he mɛɛ sɛnanar waa ɡel ba habɔɔ baa daah koodem la he ne ba chɔ. Anee dɛ́ ɡel Israel tena bwa no kɛŋɔ he ɛ he mɛɛ dɔm kɛrɛdɛ, dɛ́ ɡel nɛra baa ja he nɛɛ la bwara do kpeɡri name.”

1 Koranar 21:25

Nomɛlbwa toole o siwi swɛɛ wechɔɡa ɛɛ Korowii siwi ta kɛŋɔ Kooro Ahab waa teŋɛ o haah Jɛsɛbɛl nyoa wobol ta la.

1 Koranar 21:7

Anee Jɛsɛbɛl ŋɔ, “Kenii hɛɛ ba kora dii Israel tena nɛ aa? Ir dɛ ɡel he sie lɛ dɛ di kwa. Mɛɛ lɛ Nabɔt Jesreel te daa koo laanee tɛɛ.”

Ɛsta 6:4

O berɔ bɔɔ ŋɔ, “N nomonjena la bane lɔ dem bonɔ naa?” Gɛ saŋ dɛ Heeman ɡe deno ba jo koodem baah bela, dɛ́ ba soŋe ŋwɛnɛ kooro be ŋɔ, bá ka saɡɛ Mɔdekae daa waa pao la ta.

Yela 37:14

Nyubinikpeɡ tena kpɔ ba tokobie, dɛ harɛ ba tori kpa. Ba dɛ nyin bá kpoo nyaara ne nɛŋɡwɛɡra, dɛ́ kpoo nɛra ba wa aa toɡra,

Yela 37:32

Nyubinikpeɡ tena dɛ kpaah nɛra ba wa aa toɡra, dɛɛ nyin ba dɛ́ kpoo,

Yela 9:15

Voɡtoroma kwi nafuɡe, dɛ ɡbaɡba le o ta, ba ɡbaɡba bel laɡ ba.

Sɛɡla 1:18

Nɛn waa do ɡɛ la dɛ harɛ o te bel, o dɛ nyin o ɡbaɡba seo!

Sɛɡla 4:16

Gɛ nɛra la aa won chɔ, dɛ ba ta wechɔɡa ɛɛ, baa won haŋre, dɛ ba ta wechɔɡa dii.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 3:15

Ba ɡbaŋre nɛŋkpoa waa ta.

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.