Ɛsta 5:11 - mzwDBL

¹¹ Ba bwa aa baa cheme la, o kpɔ o kondɔɔh aa kana ne o bibaala wara baa wara dɛ ta nyoa. Dɛ berɛ baɡle ŋwɛnɛ kooro aa cheɡɛ o ta dɛ tɛo jirima, ne nomonome waa tɛo o ɡwaa o dɔŋa nomonjena ne banɔ la baa dɛ ɛ toma koodem la bwa.

Ɛsta 5:11 ပူးပေါင်းရင်းမြစ်များ

Mumpar 31:1

Jekɔb noɔ kɛŋɔ Laban bibaala aa dɛ bol ŋɔ, “Jekɔb kpɔ ya mɛɛ kwaa waa dɔa la bwa. O kondɔɔh waa dɔa nɔ bwa le ya mɛɛ kwaa ta.”

Ɛsta 1:4

O kpɔ kondɔɔh aa lɔ kara la mun bwa le asɛ nɛra ba naa, dɛ na ɡɛ o kondɔɔh ne o kora kan aa doa. O ɛ ɡɛ korobie anumɛl bwa.

Ɛsta 3:1

Aa baa tel saŋ bɛl la, Koojen Sɛksɛs kpɔ nomonome tɛ Hamedata bibaa Heeman o nabaa aa ɛ Aɡaɡ, o ɛ nomonjen ɡwaa harɛ la nomonome bwa.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Yela 49:6

Nɛra baa kpɔ ba te dawɛ ba kondɔɔh ta koh a waa dɛɛ ɛ mbarafo aa, maa ɔmɛ.

Yela 49:7

Nomɛlbwa aa won lɛ o dɔŋ mkpa, kɛɛ dɛ́ kpɔ komɛl charɛ o nyu Korowii be.

Yela 52:9

Mɛɛ kpɛɛree saŋ bɛlbwa, he waa haa ɛa wa, he sɔn la taa mɛɛ hwɛɡɛ, dɛkalkɛ he waa wer, dɛ́ kpɛɛre he nɛra ba wa aa toɡra sie.

Aesaya 10:8

O dɛ maŋkura o te ŋɔ, ‘N laa sitɔɔla bwa ɛ koranar!

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Amanesoma Mak Aa Chwera Tɔn 10:24

A ɡɛ waa la Yeesu aa bola la ɡelɔ o habɔteŋra la bwara yɔr. O ŋɔ ba be ŋɔ, “Biiwa, a kpeɡri kɛŋɔ nɛn dɔ bɔr ja Korowii Kora la ta.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.