Ɛsta 3:13 - mzwDBL

¹³ Ba le toroma bá kpɔ tɔne la kaa harɛre kooro aa di kora a ta la bwa ta. A bini waa dɛ chaɡle kɛ bá kpoo Juu tena bwa. Toli ne bonɔɔna ne nomonome, dɛ haahna ne bechale, bɛlbwa bɛ ka, bá ɛa tɔpebeŋkpoŋ. Adar korobie o tɔpera fi dɛ atoro weeree aa ba chiɡa, ásɛ ba pa ba laala ɡe bwa.

Ɛsta 3:13 ပူးပေါင်းရင်းမြစ်များ

2 Webena 30:6

Kooro la ɡelɔ toroma kpɔ tɔne la kaa Israel ne Juda harɛre bwa ta kɛŋɔ, “Israel tena, he le Asiiria tena laa baa yo heyaa la nyoa. Hé berɛ kpɔ he te tɛ Korowii Abraham ne Aesek dɛ Jekɔb aa tomɔ la, ásɛ o ɡe lawɛ heyaa ba o be.

Ɛsta 7:4

Ba yoɡ yaa tɛ ŋɔ bá kpoo yaa, dɛ́ he yaa kwaraa. Dɛ yoɡaa ba yoɡ yaa kɛŋɔ yoma kwaraa naa, n fe ta waane dɔe dɛ́ bol dɛɛ hae.”

Ɛsta 8:5

Belaa Ɛsta ŋɔ, “N naa kooro, dɛ hɛɛ sɛoh, dɛ he sie lɛ n nɛ, n wesoŋa nɔ toɡrɔ aa, ɡel he karakere chwerɛ tɔne kɛŋɔ, Hamedata bibaa Heeman tɔne waa chwera kɛŋɔ, bá kpoo Juu tena baa lɔ he harɛre bwa ta la bɛ toma ɛ kpa.

Ɛsta 9:1

Adar korobie tɔpera fi dɛ atoro weeree tɔpere kooro aa do mmara ŋɔ, Júu tena pɛ nyoa dɛ́ yo ba dɔma. Dɛ ba dɔma la dɛ lii kɛ baa won yoo ba dɛ́ pɔ ba nɛ. Kɛ waa la berɔ berɛ. Juu tena la pɛ nyoa yo ba dɔma, dɛ pɔ ba nɛ.

Ɛsta 9:10

baa ɛ Hamedata bibaa Heeman bibaala. Dɛ Heeman ɛ Juu tena dɔm. Kɛ Juu tena la ta ba komɛlbwa kpɔe kaa.

Ɛsta 9:5

Juu tena la kpɔ keri dɛ ka kpoo ba dɔma dɛ he ba. Ba ɛɛ ba ɡɛ bwa baa dɛ nyin.

Job Tɔn 9:25

N soɡa bini tɔpera dɛ kaa warawara kɛŋɔ nɛn waa dɛ chwa, silɛɛ bɛlbwa ɡe toole a ta.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Jeremia 51:31

Nae toroma na teŋɛ dɛ kaa bol Babelɔn kooro be ŋɔ, ba kuuɡi o bwɛjen la danjwɛjen dɛ jo o bini.

Tɔn Pɔɔl Aa Chwerɛ Rom Tena 3:15

Ba ɡbaŋre nɛŋkpoa waa ta.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

1 Samoɛl 22:19

O ɡelɔ ba kpoo nɛra baa kaa dɛ do Nɔb waa ɛ sɔfore bwɛɛ la bwa, ne baala ne haahna, ne bechale ne bechasɔɔhne, ne nae ne keeɡore dɛ peera bwa.