Ɛsta 2:15 - mzwDBL

¹⁵ Aa tela kɛ Mɔdekae mɛnjen Abihel bie Ɛsta waa kpɔɔ berɛ o ɡbaɡba bie la kooro be la, o ta laala ne komɛlbwa soŋɛ ka ja anɔ la Heɡai waa dɛ nyiŋi kooro haahna nɛɛ la aa ŋɔa ŋɔ a wer tɛo la. Nomɛlbwa ɡe waa na Ɛsta la, dɛ o dɛ nyin o wa.

Ɛsta 2:15 ပူးပေါင်းရင်းမြစ်များ

Ɛsta 2:14

Jɔmɔraa wɛɛ la o be dɛ́ ka chɔ. Tɔɔ perɔ aa, baa kpɔɔ la sɛnanar denɛɛte ta, dɛ́ ka do kooro bonɔɔ Saasɡas baa fɔɡɛ o lur, wɛɛ nyiŋi kooro haahna nɛɛ la nɔn ta. Waa kooro bee la kpa, nemenɛ kooro sie lɛ o nɛɛ ó baɡle o sɔn ŋɔ bá yerɔ tɛo ja.

Ɛsta 2:16

Kooro Sɛksɛs kora dii bene anuanɛ Tɛbɛt korobie taa a tel kɛŋɔ Ɛsta la kooro be o koodem.

Ɛsta 2:3

Hɛɛ won ɡel nɛra baa dɛ nyiŋi harɛre haa dɛ di kora a ta la bwa, kpɔ toli baa wera ba koodem haahna dobɔr koobwɛɛ Susa nɔ ta, ásɛ dɛ kpɔ ba do Heɡai baa fɔɡɔ o lur, o do koodem haahna dobɔr dɛɛ nyiŋi kooro haahna nɛɛ la nɔn ta, wɛ́ɛ di ba toli.

Ɛsta 8:1

Awola tenten baa saɡɛ Heeman la, Kooro Sɛksɛs kpɔ Heeman waa ɛ Juu tena dɔm la dem ne o kondɔɔh te bwa do o haah Ɛsta nɔn ta. Dɛ Ɛsta fa ŋɔ o be ŋɔ Mɔdekae ɛ o lole tenten. Anomanta, le ɡɛ saŋ, Mɔdekae dɔ ŋwɛnɛ kɛ ó jo koodem dɛɛ la kooro sie, saŋ bɛlbwa.

Ɛsta 9:29

Anomanta, Abihel bihaah Ɛsta waa ɛ kooro haah la kpɔ kpeɡri waa dɔa la, asɛ Juu te Mɔdekae la chao, dɛ chwerɛ o Ɛsta ɡbaɡba tɔn dɛ bol Purim dii la wa, ásɛ a ɡel Mɔdekae tɔn nɛɛte la won ɛ toma kɛrɛdɛ.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Yelsom 6:9

n sɛnodɛɛɡee wera tolo kohona kɛŋɔ borɔnoma. O ɡboo mɛɛ nyin, onee o nya bihambeŋkpoŋ ɡbo waa dɛ nyinu kohona. Bitoli nao waa, ba dɛ yerɔ nɛn waa na som, haŋkoranar ne sɛnanar dɛ kpɛɛro.

Yelsom 8:10

Dɛ n fa do kɛŋɔ danjwɛɛ ken, kɛ n ela kpeɡo kɛŋɔ dejaŋa. Anomanta, n sɛnodɛɛɡe jemɔ kɛŋɔ n dɔ bansɔɔhna ne deŋnesɔɔhna dɛɛ le o be.

We-ɛɛla 7:10

anomanta, wobɛlbwa ta on ɛɛ o wahala waa naa la bwa ta. A balɔ kɛŋɔ Josef la Ijipt harɛ kooro be, Korowii tɛo jirima ne liire, asɛ o waa too kooro la tea kohona. Anomanta, o ɛ Josef o harɛ la bwa ne o dem tena bwa nomoa.