Ɛsta 1:19 - mzwDBL

¹⁹ Mɛmokan ŋɔ, “N naa kooro, dɛ hɛɛ sɛoh waa, do mmarafale bá chwerɛ ja Pɛɛsea ne Midia harɛre mmarare ta, nomɛlbwa aa wola won beɡra bwa, kɛŋɔ Vasti bɛ hen Kooro Sɛksɛs sie tire kpa. O bɛ he haah ɡe ɛ kpa, bá nyin haah waa dɔ da dɛ ɡwaalo tɛɛ he moo.

Ɛsta 1:19 ပူးပေါင်းရင်းမြစ်များ

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

Ɛsta 1:18

Fini tɔpere nɔ, dɛ Pɛɛsea ne Midia harɛre nomonjena haahna no he haah waa waa ɛa nɔ naa, ba ɡee dɛɛ ɛ yaa ɡɛɛ. Haahna bwa aa yaa bu kpa, ásɛ ya baala ɡe baah ɛɛ di ba nɛ saŋ bɛlbwa.”

Ɛsta 1:21

Kooro ne o nomonjena la sie lɛ Mɛmokan waa waa bola la ta, anomanta, o do mmara la.

Ɛsta 2:1

A habɔɔ, Kooro Sɛksɛs baah sɔɔhnɔ tama, asɛ o lii Vasti wa, ne waa waa ɛa la, ne ɡɛ waa koh o waa do mmara la.

Ɛsta 3:9

Dɛ hɛɛ sɛoh waa, do mmara, ásɛ ya kpoo ba. A ba ɡɛ naa, mɛɛ bɔ suuɡapoŋa a tɔɡre aa ɛ kilore kaɡboŋa lafraatoro fifraanaarɛɛ do he kara mun tɛ nɛra baa kpoo a ɡɛ nɛra la.”

Ɛsta 8:5

Belaa Ɛsta ŋɔ, “N naa kooro, dɛ hɛɛ sɛoh, dɛ he sie lɛ n nɛ, n wesoŋa nɔ toɡrɔ aa, ɡel he karakere chwerɛ tɔne kɛŋɔ, Hamedata bibaa Heeman tɔne waa chwera kɛŋɔ, bá kpoo Juu tena baa lɔ he harɛre bwa ta la bɛ toma ɛ kpa.

Ɛsta 8:8

Taraken nɔ, n tɛ heyaa ŋwɛnɛ kɛ hé kpɔ n sɔn, dɛ́ chwerɛ mmarafale ja ka tɛ nɛra baa lɔ n harɛre la bwa ta, dɛ́ tɔ Juu tena kpoora la ŋwɛnɛ. Hé chwerɔ ɡɛ bɛlbwa haa dɛ nyin. Hé chwerɔ tonaa, hé kpɔ n noniseɡ ɛɡre a ta, dɛkalkɛŋɔ tɔne baa chwerɛ n sɔn ta dɛ kpɔ n noniseɡ ɛɡre a ta la, nomɛlbwa aa won tire a ta.”

Daneɛl 6:17

Ba kpɔ bwe bɛl ba tɔ bɔɔ la nyoa, asɛ kooro la kpɔ o noniseɡ ne o nomonjena la noniseɡa ka pɛl bwe la ta, ɡɛ aa ɛ nomɛlbwa bɛ won ka lɛ Daneɛl ta.

1 Samoɛl 15:28

Anee Samoɛl ŋɔ o be ŋɔ, “Korowii chɔɡ Israel kora la kɛŋɔ batakaare nɔ dɛ le he nɔn ta fini, dɛ kpɔ tɛ he dɔŋ o wa aa wera ɡwaale.