Ɛfesos 6:20 - mzwDBL

²⁰ Maa ɛ Yeesu nachiɡe dɛɛ bol Amanesoma nɔ ba koh a waa do mɛ dea nɔ. Hɛ́ɛ soŋe Korowii ásɛ n ta dɔ bambile dɛɛ baɡla ɡɛ aa chɛ kɛ mɛɛ baɡla.

Ɛfesos 6:20 ပူးပေါင်းရင်းမြစ်များ

Sɛɡla 13:17

Torome o wa aa wola kasinteŋ dɔe laanee dɛɛ ba waa ne. Kɛ onɔ la o wa aa dɔ kasinteŋ te, o dɛ ba deŋnesɔɔhna ne.

Aesaya 33:7

Na, ba kpeɡnɛra dɛ dooɡe lɔŋɔre kohona fɔɡbaahna dɛɛ nyin lɛɛra. Nɛra baa tom ba ŋɔ bá ba larawe la ɡe dɛ wi kohona.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Jeremia 40:1

Korowii bol waa men Jeremia be, ɡɛ saŋ Nebusaradan waa chɔ kooro laa tena baa dɛ daahno nyoa, aa lee mɛ dea baa do mɛ Rama la. Dɛ ba laɡ mɛ dɛ do mɛ jɔɡrɔre, dɛ kpɔ n ne Jerusalam dɛ Juda tena baa lawɛ yaa laa ta la kaa Babelɔn harɛ ta.

We-ɛɛla 21:33

Nomoa la baa lawɛ Pɔɔl dɛ ɡel ba doo jɔɡrɔre, dɛ bɔɔ nɛra la ŋɔ, “Nɛn besoo baa nɔɔ? Webesoo o ɛɔ?”

We-ɛɛla 26:29

Anee Pɔɔl ŋɔ, “Dɛ buɡ nɔ taa yoo, dɛ kerekeree yoo, n te waa maa dɛ soŋe Korowii laanee kɛŋɔ, he ne nɛra baa dɛ no n waa fini nɔ fe do kɛŋɔ maa doa nɔ. Kɛ maa soŋe kɛ ba doe jɔɡrɔre kɛ baa do mɛ nɔ te.”

We-ɛɛla 28:20

A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”

We-ɛɛla 28:31

Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

2 Kɔrent 3:12

Ya dɔ hwɛɡa ɡɛ waa nɔ ta, anomanta, yaa ɔmɛ.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

Ɛfesos 3:1

Gɛɛ a do men Pɔɔl baa koh kɛ n dɛ teŋɛ Yeesu Kristo nɛɛ dɛ bol o waa la dɛɛ baɡle he banɔ la haa wola Juu tena ɛɛ dɛ do mɛ dea la, n dɛ soŋe Korowii dɛɛ tɛ heya.

Ɛfesos 4:1

Men Pɔɔl maa koh ya Dɔɔ waa la waa ba do mɛ dea la, n dɛ soŋe he bwa, hɛ́ɛ teŋɛ ɡɛ aa chɛ kɛ nɛra Korowii aa lee ba tɛ o te ɛɛ teŋɛ la.

Ɛfesos 6:19

Hɛ́ɛ soŋo dɛɛ tɛ n ɡe, ásɛ dɛ n dɛ ba waa bola aa, ń dɔ waa dɛɛ bol, dɛ́ dɔ bambile dɛ́ won pili o wesɔɔhla la le Amanesoma la bini.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

Kolosi 4:3

Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.

Kolosi 4:4

Hɛ́ɛ soŋo ń won dɛɛ bola kɛrɛdɛ ɡɛ aa chɛ kɛŋɔ ń bol a bwa a bini chaah la.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

2 Timoti 1:16

N Naa Korowiirii dɛ na Oniseforɔs ne o dem tena sum, dɛkalkɛ dɛ on dɛɛ cha mɛ. Dɛ sihiih aa on kpo kɛ baa do mɛ dea la.

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.

Faelemɔn 1:10

He nɛndɔɔle Onisemɔs waa ɛ n bie Yeesu Kristo be pera la naa taa n che dɛɛ soŋe waa nɔ. Gɛ saŋ baa do mɛ dea la taa n bol Yeesu waa baɡlo o kpɔ o te tɛo.

Faelemɔn 1:9

Nyina haa dɛ nyin nɛra la taa n che dɛɛ soŋe, nyiŋi ɡɛ men Pɔɔl aa ɛ banjena, ne dea baa koh Yeesu Kristo waa dɛ do mɛ nɔ ta dɛ no n waa nɔ.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.