Ɛfesos 6:17 - mzwDBL

¹⁷ dɛ́ berɛ kpɔ lɛɛ Korowii aa lɛ heyaa la ɛ buni ɡbɛrɛ dɛ́ kpɔ pi, dɛ́ kpɔ o waa la aa ɛ o Domadɛɛɡe tokobii la kpoŋe.

Ɛfesos 6:17 ပူးပေါင်းရင်းမြစ်များ

2 Samoɛl 22:36

N Naa Korowii, henee tɔ mɛ ɡbemɡbe dɛɛ lɛɛ mɛ, he balɔ ba cha mɛ dɛ ɡel n dɔ sɔn.

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Matiu 4:4

Anee Yeesu chaŋe ŋɔ, “Korowii Tɔn baɡlɔ ŋɔ, ‘Kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.’ ”

Matiu 4:7

Anee Yeesu chaŋo ŋɔ, “Korowii Tɔn ɡe baɡlɔ ŋɔ, ‘Bɛ N Naa Korowii daah na.’ ”

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

1 Tesalonika 5:8

Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.

Hibru 6:5

Ba no Korowii waa la dɛ jemɛ wera aa wera, dɛ dɔ kpeɡri baa dɛ ba dɔe tɔpere waa lɔ sie dɛɛ ba bala la ta ane.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 2:16

Anomanta, hé charɛ he liire, dɛ́ le he wechɔɡa ta. Dɛ ɡɛ laa aa, mɛɛ ba he be waranee, dɛ́ ba kpɔ tokobii la waa lɔ n nyoa la, dɛ́ yo he banɔ la haa dɛ teŋɛ Nikolai tena webaɡla la ta la.

1 Samoɛl 17:5

Ayaawaa ba kpɔ ɛ o ɡbɛrɛ, o laa batakaare ɡe ɛ ayaawa, a tɔɡre lɔ suuɡapoŋa kaɡboŋa anue.

1 Samoɛl 17:58

Kooro Sɔɔl bɔɔro ŋɔ, “Bonɔɔ, ume bie hen nɔ?” Anee Devid chaŋe ŋɔ, “N dɔɔ, he bonɔɔ Jese waa le Bɛtlɛham la biee men.”