Ɛfesos 5:19 - mzwDBL

¹⁹ ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Ɛfesos 5:19 ပူးပေါင်းရင်းမြစ်များ

Yela 147:7

Hé ɡo yela kpɛɛ Korowii, hé kpɔ janjela lɔ yela tɛ Korowii yaa dɛ tomɔ.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Yela 86:12

Korowii maa dɛ tomɛ, mɛɛ kpɛɛre n bambile bwa nee, dɛ́ kpɔ jirima tɛ he sɔn saŋ bɛlbwa dɛɛ la.

Yela 95:2

Hé ɡel ya ba o sie ba jaamo, dɛ́ ɡo silɛɛ yela kpɛɛro.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Matiu 15:8

‘Nɛra nɔ te, nyoa ɡbo nee baa duu mɛ, kɛ ba tea bini te ta toe.

Matiu 26:30

Asɛ ba ɡo yel kpɛɛ Korowii dɛ ir le kaa Ɔlevere Bwejen la ta.

We-ɛɛla 16:25

Harambaŋa la, dɛ Pɔɔl ne Silas dɛ soŋe Korowii dɛ ɡo yela dɛɛ kpɛɛ Korowii, asɛ nɛra baa do ba dea ja ba nɛɛ la ɛɛ no ba be.

1 Kɔrent 14:15

Amee jaɔ? Mɛɛ soŋe Korowii n lileo nee, ásɛ dɛɛ soŋo n liire ɡe ne. Mɛɛ kpɔ n lilewee ɡo yela, dɛ́ kpɔ n liire ɡe ɡo ja.

1 Kɔrent 14:26

Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Jems 5:13

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,