Ɛfesos 5:17 - mzwDBL

¹⁷ Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

Ɛfesos 5:17 ပူးပေါင်းရင်းမြစ်များ

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 119:27

Cha mɛ ń won no he waa la mun, ásɛ mɛɛ lii he nyokpowe-ɛɛla la.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 2:5

a taa hɛɛ ba cheɡa dɛ́ jemɛ Korowii ɔma mun, dɛ́ berɛ jemɔ kɛrɛdɛ.

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

1 Tesalonika 5:18

Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.