Ɛfesos 4:5 - mzwDBL

⁵ Ya bwa Dɔɔ lɔ beŋkpoŋ. Waa ya bwa aa dɛ yarada, ne Korowii nee baa sɔ ya bwa la ɡe ɛ beŋkpoŋ.

Ɛfesos 4:5 ပူးပေါင်းရင်းမြစ်များ

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

Tɔn Pɔɔl Aa Chwerɛ Rom Tena 3:30

Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi.

1 Kɔrent 1:13

Hé na! Yeesu Kristo binii he bɔne la! Men Pɔɔlee ba koh he waa kpaa pɛl daɡaɡre ta la aa? Kɛɛ n sɔn nee ba sɔ heyaa Korowii nee ŋɔ hɛ́ɛ teŋɛ n nɛɛ la? Akai!

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

1 Kɔrent 12:5

Toma ya Dɔɔ aa bɔna tɛ yaa la koɡrɔ, kɛ Dɔɔ beŋkpoŋ tomaa yaa ɛ.

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

2 Kɔrent 11:4

Kɛ he dɛ lawɛ bambile dɛɛ no nɛra baa ba he be dɛ baa baɡle Yeesu waa a korɛ waa ya fa aa baɡle heyaa la ta nɔ? Kɛ ba dɛ baɡle kwaa aa dɛ ir nɛra nɛɛ waa a korɛ Korowii Domadɛɛɡe waa soɡe he nɛɛ la ta, kɛɛ ba dɛ baɡle heyaa amanesoma a korɛ anɔ la ya fa aa baɡle heyaa la ta naa, he dɛ lawɛ bambile dɛɛ no ba be nɔ?

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Ɛfesos 4:13

ásɛ ya bwa won dɔ nyopɛo yarada yaa yarada Korowii Bie ne jema yaa jemɔ la ta kɛrɛdɛ dɛ ka tonɛ, dɛ won kpeɡ kɛrɛdɛ kɛŋɔ nomonome o nɛɛ teŋa ta, ɡɛ Yeesu Kristo aa doa la. Onee ya kpɔ dɛɛ maɡɛ ya te dɛ́ jemɛ ɡɛ yaa kpeɡ.

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.

Hibru 6:6

Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.

Jems 2:18

Bɛl lole nomɛl ɛɛ ŋɔɔ yaradae ɡboo wɛɛ yarada Korowii, ásɛ bɛl ɡe ŋɔ wedɛɛɡaa o ɡee ɛ. Kɛ ɡɛ ɡe aa won maɡre. Ɛrɛɛ hɛɛ ba wona baɡ mɛ he yarada dɛ he ta wedɛɛɡa ɛɛ dɛɛ ja a ta nɔ? N te, mɛɛ che n wedɛɛɡa ɛɛ taa, ásɛ he jemɛ kɛ n dɛ yarada Korowii.

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.