Ɛfesos 4:31 - mzwDBL

³¹ Hé ɡel nyɛɡre doe, ne bandia, ne ɡaeh, ne wesaɡasaɡare, ne bahmuɡliwa, dɛ meesɔhwaa bwa,

Ɛfesos 4:31 ပူးပေါင်းရင်းမြစ်များ

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 37:21

Rubin takapɔ kɛŋɔ o fee lɛo ta, dɛ ŋɔ, “He bɛ ɡel ya kpoo.”

Mumpar 37:4

O dɔɔranar aa baa na kɛŋɔ o mɛɛ dɛ nyin o waa dɛ ɡwaa ba la, ba haoh, baa on sie tɛ kwaraa.

Mumpar 4:8

Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.

2 Samoɛl 13:22

Absalɔm ɡe ta wedɛɛɡe kɛɛ wechɔɡe bɛlbwa bolɛ baɡle Amnɔn, kɛ dɛ o waa lɔ o bini o haoh, dɛkalkɛ o ɡelɔ sihiih kpo o nimambihaah Taama.

2 Samoɛl 19:27

O teŋe nyosone dawɛ n nɛɛ tɛ hen n dɔɔ kooro. N dɔɔ, he do kɛŋɔ Korowii torome ken anomanta, ɛ wobɛlbwa aa too he tea.

2 Samoɛl 19:43

Asɛ Israel laa tena la chaŋ ba ŋɔ, “Ya dɔ kooro baŋne fi bwa. A habɔɔ ya ne o pɛo ɡwaa kɛ he ne waa doa. Ɛrɛ waa hɛɛ nyiŋi ya nyubaahna nɔɔ? Ya laa tɔ sie bol kooro ka kpɔe dɛ́ ba wa aa?” Kɛ Juda laa tena la chaŋɔ bandia kohona ne, dɛ ɡwaa Israel baala la kwara.

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Yela 140:11

Bɛ ɡel nɛra baa teŋe nyosone dɛɛ dawɛ nɛra nɛɛ waa maɡre tɛɛ ba. Gel waa pu naɡrenyine, dɛ́ chɔɡ ba.

Yela 15:3

nɛn waa wola o dɔŋ wechɔɡe bol, nɛn waa wola o dɔŋ wechɔɡa ɛ, dɛ nɛn waa wola o dɔŋ waa kpɔe dɛɛ perɛ,

Yela 37:8

Hé laa he te kpɔ tebinichɔɡ ne bandia ta, wechɔɡa ɡbo taa aa kaa nɛn ne.

Yela 50:20

He won soɡa dɛɛ bol he dɔŋa bwara wechɔɡa, dɛɛ chɔɡ he ɡbaɡba nyabii.

Yela 64:3

Ba nyoa wobol nyɛɡre kɛŋɔ, kere, dɛɛ yaɡɛ kɛŋɔ kpaah yon ta hɛmchɔɡe la ken.

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Sɛɡla 14:17

Nɛn o baah aa wola biɡri dii dɛ́ ɛ ɡɛnewa, wejeremee dɛɛ lawɛ bambile.

Sɛɡla 18:8

Nɛn ŋwala som, a do kɛŋɔ kondikonsoma aa dɛ jo tea.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Sɛɡla 26:20

Gɛ nindaa hɔɔ tonaa, nii yon dime la, ɡɛɛ nɛn ŋwala ɡe toole naa, naɡra toole.

Sɛɡla 29:22

Nɛn o baah aa dɛ di warawara la, dɛ ba naɡra ne. Nɛn o baah aa dɛ di kohona dɛ ba wechɔɡa ne taeh.

Sɛɡla 29:9

Dɛ wejereme kpɔ ɡɛne la kɔɔto aa, ɡɛne la dɛ mamɛ dɛ́ do ɡbɔɡa, dɛ́ ba chɛɡa ne.

Sɛɡla 6:19

ne dansewea dɛ nɛn wobochɔɡa aa lɔ o nyoa, dɛɛ ba peɡra ne o dem tena baah ta.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Jeremia 6:28

Ba bwa ɛ deŋnekpeɡ ne bambikpeɡ tena, dɛ valɛ dɛɛ ɛ nyokpɛl ɡbo. Ba kpeɡri kɛŋɔ ayaawa ne buni ken, ba bɛlbwa we-ɛɛla aa were.

Jeremia 9:4

Hɛ́ɛ nyiŋi he daamanar kɛrɛdɛ, dɛɛ berɛ he hwɛɡa kpɔe do he lolanar nɛ, dɛkalkɛ ba bɛlbwa ɛ nyosonteŋni, asɛ daamanar ɡe ɛɛ chɔɡ dɔŋa.

We-ɛɛla 21:30

Ate, bwɛɛ la tena bwa lɛ ɡaeh, dɛ chwa le bobɛlbwa dɛ lawɛ Pɔɔl, dɛ tuuɡu le Korowii Dea la bini. Buɡ la ta, dɛ ba tɔɔɡe Korowii Dea la ɡbeni bwa.

Tɔn Pɔɔl Aa Chwerɛ Rom Tena 3:14

Wobochɔɡa ɡboo su ba nyoo.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.

2 Kɔrent 12:20

N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee.

Galaasia 5:20

ne voɡa toma, dɛ sɔm wa. A bini anee kɛŋɔ nɛra ne ba dɔŋa aa dɛ di dɔm dɛɛ yo, ne bɔweela kohona, ne bandisale ne sibeɡra, ne nɛra ne ba bala baah peɡra, dɛ nyopɛo bɛ dɔe,

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Ɛfesos 4:25

Hé laa nyosone bɛlbwa laa kpɔ he waa ta, dɛɛ bol kasinteŋ dɛɛ tɛ dɔŋa, dɛkalkɛŋɔ he bwa pɛ bwadabii beŋkpoŋ ta dɛ ɛ beŋkpoŋ.

Ɛfesos 4:26

Dɛ he baah diu waa, he bɛ ɡel a ɛ bandichɔɡa he ɛ wechɔɡa. Hé ɡel o sɔɔh warane. Aa were kɛŋɔ he baah di wee ka jo dɛ o ta sɔɔhnɛ.

Kolosi 3:19

He baala ɡe, hɛ́ɛ nyin he haahna kɛrɛdɛ dɛ bɛ ban dɛ́ɛ panya.

Kolosi 3:8

Kɛ a chɛ kɛŋɔ hé ɡel a bwa sekwaraa taraken te. Hé laa bandia kpɔ he waa ta, he baah bɛ dɛɛ di saɡasaɡa, hé ɡel meesɔhwa, he bɛ dɔŋa dɛɛ chɛɡre, he bɛ ɡel wobochɔɡa ɛɛ le he nyoo.

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

2 Timoti 2:23

Bɛ he te kpɔ dɛɛ jo ɡɛnewaa ne wesale tɔŋla ta. He ɡbabir jemɔ kɛ naɡra nee aa ba.

2 Timoti 3:3

Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa.

Taetos 1:7

dɛkalkɛŋɔ, a chɛ kɛ nɛn waa dɛ tɔ asɔre tena sie la ɛ nɛndɛɛɡe nomɛlbwa aa wola o wechɔɡee dɔ bol bwa, waa ɛ Korowii bonɔɔ nomanta. A chɛ kɛ o ɛ nɛn waa wola o te baɡle, dɛ lɛ nɛn kon dɛɛ ja o kon ta, o baah aa wola di warawara, waa wola sennyɔdɛɛ ɛɛ, waa wola naɡra nyin, o siwi aa wola suuɡa ta beɡre kohona.

Taetos 2:3

Ŋɔ hanjeni ɡe be báa ɔmɛ Korowii dɛ́ ɡel ba we-ɛɛla do kaih, dɛ bɛ nɛra dɛɛ ŋwalɛ, dɛ bɛ ɡel sen lɛ ba liire. Báa baɡle waa aa wera.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Jems 4:11

Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

1 Jɔn 3:12

Ya bɛ ɛ kɛŋɔ Keen, waa ɛ o te Bɔnsam bie dɛ kpo o nime Abɛl la. Bɔkwaa ɡela o kpoo wɔ? O we-ɛɛla waa ɛa la aa wola were asɛ o nime kwaa do wer la, anee ɡela o kpoo.

1 Jɔn 3:15

Nomɛlbwa waa hah o dɔŋ la do kɛŋɔ nɛn waa dɛ kpoo nɛra ken. He jemɔ kɛŋɔ nomɛlbwa ɡe waa dɛ kpoo nɛra la ta Korowii mkpa aa wola jaɡa dɔe la dɔe.

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.