Ɛfesos 4:28 - mzwDBL

²⁸ He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

Ɛfesos 4:28 ပူးပေါင်းရင်းမြစ်များ

Job Tɔn 34:32

Chaɡ mɛ waa maa wola an nae, dɛ n ɛ wechɔɡa aa, maa an ɛ kpa.’

Kaala 20:15

He bɛ dɛɛ ŋwɛ.

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Kaala 21:16

Nomɛlbwa waa ɡuɡri o dɔŋ dɛ lawɔ ka yoɡ, kɛɛ dɛ o ta lɔ o nɔn ta ba lawɔ waa, kpoe chɛ kɛ bá kpoo.

Sɛɡla 13:11

Ŋwɛɛ ŋwɛnɛ waa kpɔ o ta dɛɛ dɔ kwaa la, ɡelɔ aa kaa kɛŋɔ peu ken. Bɔwɔb kweena dɛ́ dɔ kwaa ɡe ɡelɔ a che dɛɛ warɛ.

Sɛɡla 14:23

Koeh habɔɔ tɔnɔ do, kɛ nyoa wobol te, pɛɛpɛɛ dea aa la.

Sɛɡla 21:26

O sie dɛ beɡre kohona o dɔ kwaa dɛɛ ja tɔpere bɛlbwa. Kɛ nɛn o wa aa toɡra la te ta tea dɛɛ tɛ kon, waa nɔn nyore.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Sɛɡla 31:20

Waa o ɡbo kon nyin, o dɛ ta tea dɛɛ tɛ nyaara ne nɛŋɡwɛɡra kwa.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Amanesoma Luk Aa Chwera Tɔn 3:8

Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta kpela. He bɛ he hwɛɡa kpɔ do Abraham nɛɛ kɛ o ɛ he nabaa nomanta, hɛɛ wonoo chwa Korowii bandia. Hé ɡel n ŋɔ he be ŋɔ, Korowii ɛɛ wonoo ɡel bwea nɔ beɡre Abraham naanar.

Amanesoma Jɔn Aa Chwera Tɔn 12:6

Menɛkɛsɛ ŋɔ nyaara waa hiaoh waa o ŋɔ ɡɛ la. Waa ɛ ŋwɛɛ waa o ŋɔ ɡɛ. Dɛ onee dɛɛ kpoŋe ba suuɡa, asɛ dɛ yon ŋwɛ ane dɛɛ di.

Amanesoma Jɔn Aa Chwera Tɔn 13:29

Dɛ Judasee chɔ ba suuɡa bwa nyoa. Anomanta, dɛ ba bini bane dɛ lii kɛ Yeesu ken dɛ ŋɔ o be ŋɔ ó ka nyin tɔpejen la kondikwa. Dɛ ɡɛ laa ɡe aa, amɔ o ken ŋɔ ó ka tɛ nyaara suuɡa.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

1 Kɔrent 4:12

Ya bokpeɡa taa yaa di. Nɛra hah yaa dɛɛ chɛɡre yaa, kɛ ya te soŋe andɛɛɡa dɛɛ tɛɛ ba. Ba dɛ ɛ yaa hɔhɔrɔwa, kɛ ya te sɔɔh bwara dɛɛ tɛɛ ba.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 8:2

Ba na wahala kɛrɛdɛ. A lole kɛ nyaaraa ban kohona, kɛ ba sie aa lɛ Yeesu lɛɛ waa lɛɛ ba la ta kohona nomanta, ba wono ta suuɡa kohona asɛ ba kpɔ cha nɛra.

Galaasia 6:10

Anomanta, saŋ bɛlbwa, dɛ ŋwɛnɛ lole naa, yáa cha nomɛlbwa, a laa kɛŋɔ nɛra ya ne baa dɛ di lola Yeesu Kristo nɛɛ teŋa nɔ ta nɔ.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.