Ɛfesos 4:12 - mzwDBL

¹² Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

Ɛfesos 4:12 ပူးပေါင်းရင်းမြစ်များ

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

We-ɛɛla 1:17

O fa ja ya nɛ. Ya ne o bwaa fa dɛ ɛ Korowii toma nɔ.”

We-ɛɛla 1:25

kɛŋɔ o chiɡ Judas naa ta dɛɛ ɛ he toma Judas aa vɛah dɛ kaa bela aa chɛ kɛ o do la.”

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Tɔn Pɔɔl Aa Chwerɛ Rom Tena 12:5

Gɛɛ ya ɡba do. Ya warɔ te, kɛ ya ne Yeesu Kristo aa pɛa nɔ, ya bwa ɛ beŋkpoŋ, ya bɛlbwa ɡe lole tɛ ya dɔŋa.

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

Tɔn Pɔɔl Aa Chwerɛ Rom Tena 14:19

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

Tɔn Pɔɔl Aa Chwerɛ Rom Tena 15:2

A chɛ kɛ ya bɛlbwa ɛɛ ɛ waa aa wera dɛɛ tɛ ya dɔŋa, ásɛ a cha ba, ásɛ ba won che kiŋkiŋ.

Tɔn Pɔɔl Aa Chwerɛ Rom Tena 15:29

N jemɔ kɛŋɔ dɛ n ba he be naa, mɛɛ soŋe Yeesu Kristo ó swee andɛɛɡa tɛ heyaa kɛrɛdɛ.

1 Kɔrent 12:27

He bwa ɛ beŋkpoŋ Yeesu Kristo bwadabii ta. He bwa pɛo dɛ ɛ o bwadabi.

1 Kɔrent 12:7

Korowii Domadɛɛɡee tɛ nomɛlbwa kpeɡri ŋɔ ó kpɔ dɛɛ cha o bala.

1 Kɔrent 14:12

He siwi aa beɡra hɛɛ nyin kpeɡri Korowii Domadɛɛɡe be ó cha heyaa Korowii toma ta nɔ, hɛ́ɛ nyin anɔ la aa won cha asɔre tena kohona.

1 Kɔrent 14:14

Dɛ n dɛ soŋe Korowii wobofale ne naa, dɛ n lilewee dɛɛ soŋo la, kɛ n liire te aa wobɛlbwa ɛ.

1 Kɔrent 14:26

Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

2 Kɔrent 13:9

Ya ɡwɛɡrɔ hé do kpeɡri aa, dɛ ya sie lɛo. Ya dɛ soŋe Korowii kɛŋɔ he waa toɡre ka tonɛ.

2 Kɔrent 3:8

dɛ ɛrɛɛ Korowii Domadɛɛɡe la wa ɛɛ ba doe yɔ? Aa ɡɛɛ ɡwaa la aa?

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

2 Kɔrent 5:18

Korowiirii ɛ a bwa. Yeesu Kristo nɛɛ o che, dɛ kwaa ya ne o baah ya ne o pɛ, dɛ tɛ yaa toma nɔ ŋɔ yá nyin nɛra dɛɛ tɛo, ásɛ ba ne o baah kwaa bá won pɛ.

2 Kɔrent 6:3

Yaa nyin kɛ nomɛlbwa dɔ ya toma wechɔɡe bɛlbwa dɛ bol, anomanta, waa aa ɡel nɛra lɔ naa la, yaa an kpɔe dɛɛ ɛɛ ba.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Ɛfesos 1:23

asɛ ba ɡe ɛ o bwadabi. Onee kana ɡa dɛ won su harɛ nɔ bwa, kɛ asɔre tena laanee ɡela o waa dɔ nyɛl ka tonɛ.

Ɛfesos 4:16

Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

2 Timoti 4:11

Luk ɡboo lɔ n be bonɔ. He dɛ ba naa, kpɔ Mak ja he nɛɛ he ne o ba, dɛkalkɛ o ɛ nɛn bɛl waa won n chae n toma nɔ ta ɡa.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 6:1

Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.