Ɛfesos 3:8 - mzwDBL

⁸ N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Ɛfesos 3:8 ပူးပေါင်းရင်းမြစ်များ

1 Webena 17:16

Belaa Kooro Devid ka jo Korowii Dea Cheremibɔr waa baŋro la bini, dɛ ka so Korowii sie dɛ ŋɔ, “N Naa Korowii, umee n ɡe ne n lolanar asɛ he ɛ ɡɛ waa nɔ dɔŋa bwa tɛ mɛ ken nɔɔ?

Yela 31:19

Nɛra baa dɛ ɔmɛ la, he kwaa kondɛɛɡa aa wera cheɡ ba. Nɛra baa chwaa baa marɛ la, he kpɔ waa aa wera dɛɛ tɛɛ ba.

Amanesoma Luk Aa Chwera Tɔn 14:22

A ta biɡre bɛlbwa bonɔɔ la ba dɛ ba ŋɔ o dɔɔ la be ŋɔ, ‘N la he tom la, kɛ sobɔra ane ta chɔ le pɛɛpɛɛ.’

Amanesoma Jɔn Aa Chwera Tɔn 1:16

Korowii chao kohona asɛ o ɡe na ya sum dɛɛ tɛ yaa andɛɛɡa saŋ bɛlbwa, waa wola ɡel bwa.

We-ɛɛla 5:41

Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 15:9

Menee Yeesu toroma la bwa bechala n waa aa wola hiaih. N ta chɛɛ kwaraa kɛ ba yer mɛ o torome, dɛkalkɛ ɡɛ n fa aa hah asɔre tena dɛ ɛɛ ba hɔhɔrɔwa la aa were.

1 Kɔrent 2:9

A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Galaasia 2:8

Dɛkalkɛŋɔ ɡɛ Korowii aa baɡle o kpeɡri Yeesu torome Pita nɛɛ wɛɛ tomɛ Juu tena bini la, ɡɛɛ o baɡle o kpeɡri men maa ɛ Yeesu torome nɔ nɛɛ mɛɛ tomɛ nɛra baa wola Juu tena ɛɛ bini.

Ɛfesos 2:7

O ɛ ɡɛ dɛ kpɔ baɡle nɛra baa wola toole dɛ taa ba bala ásɛ ba na ɡɛ waa ɡara sune ya nɛɛ kohona dɛ cha yaa kɛrɛdɛ, ɡɛ waa cheɡɛ Yeesu Kristo nɛɛ dɛ ta tea ɛ yaa waa nɔ bwa la. O nɛn nɛɛ suna kan kɛrɛdɛ. A ta dɔŋ dɔe.

Ɛfesos 3:1

Gɛɛ a do men Pɔɔl baa koh kɛ n dɛ teŋɛ Yeesu Kristo nɛɛ dɛ bol o waa la dɛɛ baɡle he banɔ la haa wola Juu tena ɛɛ dɛ do mɛ dea la, n dɛ soŋe Korowii dɛɛ tɛ heya.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

Ɛfesos 3:2

He ken no ɡɛ Korowii aa sune n nɛɛ dɛ cha mɛ kɛrɛdɛ n won dɛɛ cha heyaa la.

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

Felepae 4:19

N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

2 Timoti 1:11

Amanesoma nɔ waa Korowii lee mɛ ŋɔ ń ba bol, dɛ́ ɡel n ɛ o torome ɡe dɛɛ baɡle nɛra o wa.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.