Ɛfesos 2:12 - mzwDBL

¹² He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Ɛfesos 2:12 ပူးပေါင်းရင်းမြစ်များ

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

2 Webena 15:3

Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

Ɛsra 4:3

Kɛ Sɛrobabɛl ne Jesua, dɛ Israel deene nomonnyuune la chaŋɔ ŋɔ, “Ya ta he chae hiaeh Korowii yaa dɛ tomɔ Dea toma nɔ ta. Ya ɡbo ɛɛ doo, ɡɛ Pɛɛsea Koojen Saeros aa do yaa la.”

Kaala 12:45

kɛ hɔɔh waa baa choɡe tama dɛ kaa, ne nɛn waa ba toma ɛɛ bɔr dɛ́ ba nyin o suuɡa kaa la aa won dia.”

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 61:5

Nɛŋhɔɔhra ɛɛ tomɛ heyaa, dɛɛ teɡɛ he peera, dɛ berɛ dɛɛ parɛ he kooni dɛɛ nyiŋi he daa kooni ta.

Jeremia 14:8

He ɡbo nɛɛ ya Israel tena sie dawɛ, he ɡboo lɛ yaa dɛɛ le wenaale ta. Ɛrɛɛ he do kɛŋɔ hɔɔh harɛ nɔ ta kɛɛ nɛŋkaa waa baa so ya bini tɔpebeŋkpoŋ ɡbo nɔɔ?

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Ɛsekeɛl 13:9

Mɛɛ tɛr he keamere haa ŋɔa he dɛ na wepila ne waa aa dɛ ba bala kerekere a ɛ nyosone la deŋnee. Haa n nɛra Israel tena nɛɛ ja, kɛɛ bá chwerɛ he sɔna ja ba nɛ. He bɛlbwa nakpala aa Israel harɛ taa tire kpa. Ásɛ he jemɛ kɛŋɔ menee Nemenɛ Korowii.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Ɛsekeɛl 47:22

Hé bɔna á ɛ kapɛrɛ tɛ he ne nɛŋhɔɔhra baa soɡe he bini dɛ dɔ bii la. Hé kpɔ ba kɛŋɔ bwɛɛlembii baa lol ba Israel harɛ ta, he ne ba bwaa dɛ́ pɛ dɔ kapɛrɛ Israel harɛ deene bini.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Nɛra Kura 18:19

Saraha kwaa aa do ɡoroŋ bwa Israel tena aa kpɔa baa tɛ mɛ he yon le ane cheɡ la, n kpɔɔ tɛ he ne he bibaala ne bihaahna á ɛ he dibɔr saŋ bɛlbwa. A ɛ fɔo dɛ chɔ le waa wola chɔɡ bwa dɛ tɛ n ne hen ne he naanar bwa.”

Amanesoma Luk Aa Chwera Tɔn 1:72

dɛ́ na ya sum ɡɛ waa baɡɛ ya naawa nyoa la, dɛ́ lii o fɔo o ne baa fɔwa la.

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Amanesoma Jɔn Aa Chwera Tɔn 4:22

He Samaria tena te, ɛɛ he ɡee ɛ te, kɛ haa kon haa dɛ tomɛ jemɛ. Kɛ ya Juu tena te jemɛ kon yaa dɛ tomɛ, dɛkalkɛ ya nɛɛ aa ba cheɡa ásɛ Korowii lɛ nɛwɛnyina bwa.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

We-ɛɛla 28:20

A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”

We-ɛɛla 3:25

Korowii nyoa la waa baɡa dɛ ɡel o keamere bol la, heyaa o baɡɛ tɛ. Fɔo la Korowii ne he naawa aa fɔwa la laworomɛɛ hɛɛ di la. O ŋɔ Abraham be ŋɔ, ‘He naanar nɛɛ aa ba cheɡa n swee andɛɛɡa tɛ harɛ ta nɛra bwa.’

Tɔn Pɔɔl Aa Chwerɛ Rom Tena 9:8

a baɡlɔ kɛŋɔ Abraham dwee la te bwa waa lol ba ɡɛ nɛra bwa aa dɛ lolɛ la, Korowii nɛra laa ban. Abraham bie la Korowii aa baɡɔ nyoa la, o dweee Korowii jemɛ kɛŋɔ Abraham naanaree ban,

Galaasia 4:8

Wubwa la, dɛ haa Korowii jemɛ, anomanta, dɛ koŋkwaa aa wola Korowii ɡbaɡba ɛɛ la ɔma vɔrɔwe heya.

Ɛfesos 2:19

Anomanta, he ta hɔɔhra ɛɛ kpa. He ɛ bwɛɛlembii dɛ ja Korowii nɛra la nɛ, dɛ ɛ o ɡbaɡba lola,

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Kolosi 1:21

He fa aa Korowii jemɛ dɛ ɛ o dɔma, dɛkalkɛŋɔ he fa dɛ lii liichɔɡa, dɛɛ ɛ wechɔɡa.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

1 Tesalonika 4:13

Yabala, ya dɛ nyin kɛ ya bol yabala baa serewa la wa, ásɛ he tea bini bɛ chɔɡ kohona kɛŋɔ nɛra baa kaa, baa wola hwɛɡa dɔe kɛŋɔ yaa ir seo taa la.

1 Tesalonika 4:5

He bɛ siyala ne sibeɡra ŋwɛnɛ ta kpɔ kɛ nɛra baa wola Juu tena ɛɛ baa wola Korowii tomɛ la.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Hibru 8:6

Taraken nɔ, ba tɛ Yeesu sɔfore toma o ɡwaa harɛ bonɔ sɔfore. Fɔofale la waa cheɡɛ nɛwɛnyini ne Korowii baah ta dɛ fɔwɛ la ɡe ɡwaa ombene la, dɛkalkɛŋɔ a cheɡɛ Korowii nyobaɡa aa do wer la ta.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.