Daneɛl 9:7 - mzwDBL

⁷ N Naa Korowii, he waa toɡrɔ, ya di sihiih fini. Juda ne Jerusalam tena, ne Israel tena haa lɔ yaa peɡre harɛre aa lɔ bojaŋa ne anɔ la aa bɛna ta bwa, dɛkalkɛ ya waa ta kasinteŋ dɔe tɛɛ.

Daneɛl 9:7 ပူးပေါင်းရင်းမြစ်များ

Ɛsra 9:13

Waa aa pu yaa nɔ bwa le ya wechɔɡa aa ɡela ya di bolchɔɡe la. Kɛ ane a bwa, N Naa Korowii yaa dɛ tomɛ, tamaa kenii he tɛr ya deŋne. He ta ɡelɛ a ɡwaa ya nɛ, dɛ ɡel ya bini bane dɔ ya nyuune dɛ ta so le.

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Nehemia 9:33

He waa toɡrɔ dɛ dɔ kasinteŋ kɛŋɔ he tɛr ya deŋne, a lole kɛŋɔ ya ɛ wechɔɡa.

Yela 119:137

N Naa Korowii, he waa toɡrɔ, he Mmarare ɡe do wer.

Yela 44:15

Tɔpere bɛlbwaa mɛɛ di sihiih, sihiih ɡboo n bwa,

Yela 51:14

N Naa Korowii, dɛ n kpo nɛn dɛ di a bolchɔɡe aa, lɛɛ mɛ. Ásɛ n ɡo yela silɛɛ ne, dɛ́ baɡle ɡɛ he wa aa toɡra.

Yela 51:4

He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 45:16

Sihiih ɛɛ kpo nɛra baa cheɡ voɡaa. Ba bwa ɛɛ pɛo di ncho.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Jeremia 32:32

Juda ne Israel tena wechɔɡa baa ɛa la wa, ba ne ba koranar ne nomonome dɛ n sɔfore dɛ n keamere la bwa.

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Jeremia 4:17

Ba cheɡɔ bar Jerusalam kɛŋɔ baala aa dɛ daah koo, dɛkalkɛ o nɛra ɛɛ mɛ deŋnekpeɡ. Men Korowiirii bola.’

Jeremia 7:19

Amɔ men Korowii baahnee baa muɡli ɡɛ nɔ naa? Akai, ba ɡbabirii dɛɛ do ba te sihiih.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 6:12

Banɔ la baa lɔ bojaŋa la, weechɔɡaa dɛ́ kpoo ba, ásɛ banɔ la baa bɛna la serewe laa ta. Banɔ la baa kaa la, lɔr ɛɛ kpo ba ɡee ba serewe. Gɛɛ mɛɛ ba ɡela ba na n bandia kohona.

Daneɛl 9:14

Korowii kpɔ deŋnetɛra ba ta ya nɛɛ warane, dɛkalkɛ o waa toɡrɔ wobɛlbwa waa dɛ ɛ ta. Kɛ ane a bwa, ya ta o waa noɛ.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Daneɛl 9:8

N Naa Korowii, ya ne ya koranar ne nomonome ne ya naawa di sihiih kohona, dɛkalkɛ ya ɛ wechɔɡa dɛ jo he nɛ.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.