Daneɛl 9:6 - mzwDBL

⁶ Ya ta waa he bonɔɔna baa ɛ he keamere la aa cheɡɛ he sɔn ta, dɛ bol ya koranar ne nomonome, ne ya naawa dɛ ya harɛ nɔ nɛra be la noɛ.

Daneɛl 9:6 ပူးပေါင်းရင်းမြစ်များ

2 Koranar 18:12

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Ba koni fɔo ba ne waa fɔwa la, ba ta waa Korowii fa aa cheɡɛ o bonɔɔ Mosis nɛɛ dɛ kpɔ tɛɛ ba la noɛ, dɛ kpɔ ɛ wa.

2 Webena 33:10

Korowii kah Kooro Manasɛ ne o nɛra, kɛ ba vɛh o be noe.

Ɛsra 9:7

Le ya naawa bere saŋ ba le fini, ya wechɔɡa kan kohona. Anomanta, ya ne ya koranar ne sɔfore bwaa harɛre ane koranar lawɛ laa ta dɛ kpoo yaa, dɛ pa ya laala kaa. A ɡel sihiih kpo yaa, asɛ ya do ba lɔɡa ba le fini nɔ.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Nehemia 9:34

Ya koranar ne nomonome ne sɔfore, dɛ ya naawa ta he Mmarare ta teŋɛ. Ba ta waa haa do ba a ta ne waa haa kah ba ta teŋɛ.

Jeremia 26:5

ásɛ dɛɛ no waa n bonɔɔna baa ɛ n keamere maa tom ba he be keraŋwɛnɛ bwa la be. Kɛ ane a bwa, he ta waa maa cheɡɛ ba nɛ dɛ bol he be la ta teŋɛ.

Jeremia 29:19

Gɛ waa nɔ bwa ɛɛ ba ba nɛɛ, dɛkalkɛ ba ta n waa maa cheɡɛ n bonɔɔna baa ɛ n keamere nɛɛ dɛ bol ba be keraŋwɛnɛ bwa la noɛ. Ba deno vɛh n waa la noe.’ ” Korowiirii bola.

Jeremia 44:16

“Ya vɛh waa haa cheɡɛ Korowii sɔn ta dɛ bol ya be la.

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Daneɛl 9:10

ya ta hen Korowii yaa dɛ tomɛ la waa noɛ, kɛɛ he Mmarare haa cheɡɛ he bonɔɔna baa ɛ he keamere nɛɛ dɛ kpɔ tɛ yaa la ta teŋɛ.

Daneɛl 9:9

Korowii yaa dɛ tomɛ, a lole kɛŋɔ ya ɛ deŋnekpeɡ he nɛ, he dɛ sune nɛn nɛɛ dɛ kpɔ wechɔɡa dɛɛ kɛ,

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.