Daneɛl 9:5 - mzwDBL

⁵ Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Daneɛl 9:5 ပူးပေါင်းရင်းမြစ်များ

2 Koranar 18:12

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Ba koni fɔo ba ne waa fɔwa la, ba ta waa Korowii fa aa cheɡɛ o bonɔɔ Mosis nɛɛ dɛ kpɔ tɛɛ ba la noɛ, dɛ kpɔ ɛ wa.

2 Koranar 21:15

Dɛkalkɛ, ba ɛ wechɔɡa dɛ jo n nɛ, dɛ ir n bandia le awola ba naawa aa le Ijipt harɛ ta ba le fini.”

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Yela 106:6

Ya ɛ wechɔɡa kɛ ya naawa ken, ya ɛ nyubinikpeɡ dɛ koni.

Yela 119:102

N ta he Mmarare la vɛɛh, dɛkalkɛŋɔ henee baɡ mɛ wa.

Yela 119:176

Men maa ɛ he bonɔɔ do kɛŋɔ pee waa nyoɡra ken. Ba ɡaaɡe n bɔr, dɛkalkɛŋɔ n ta he Mmarare la vɛɛh.

Yela 18:21

N teŋɛ Korowii waa ta, n ta wechɔɡa ɛɛ dɛ vɛoh.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 64:4

Dɔɔ bɛlbwa toole ba nao o do kɛ hen Korowii, kɛɛ dɛ no wejena haa ɛa tɛ nɛra baa dɔ hwɛɡa he nɛ.

Jeremia 14:20

Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 44:3

dɛkalkɛ nɛra baa lɔ a ta ɛɛ mɛ wechɔɡa dɛ ɡel n baah di. Ba ɛ sarahare tɛ voɡare ane dɛɛ toma, voɡare ba ɡbabir kɛɛ hen kɛɛ he naawa aa wola an tomɛ.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Wiile 1:20

N Naa Korowii, na n suna maa dɛ di, n loo kuu, n bambile chɔɡ n wechɔɡa wa. Nɛŋkpoa lɔ fɔɡbaahna, hale nɛra ɛɛ serewe deremi ta.

Wiile 3:42

“N Naa Korowii, ya ɛ wechɔɡa dɛ ɛɛ deŋnekpeɡ, he ta ya wechɔɡa kpɔe kɛ yaa.

Ɛsekeɛl 5:6

Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.

Daneɛl 9:9

Korowii yaa dɛ tomɛ, a lole kɛŋɔ ya ɛ deŋnekpeɡ he nɛ, he dɛ sune nɛn nɛɛ dɛ kpɔ wechɔɡa dɛɛ kɛ,

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Malakae 3:7

He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.