Daneɛl 9:25 - mzwDBL

²⁵ Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Daneɛl 9:25 ပူးပေါင်းရင်းမြစ်များ

2 Samoɛl 15:25

Belaa Kooro Devid ŋɔ sɔfo Sadɔk be ŋɔ, “Berɛ kpɔ Korowii Ne Nɛwɛnyina Fɔo Daka la kaa bwɛjen la ta. Dɛ Korowii sie lɛ n nɛ aa, wɛɛ berɔɔ kpɔ mɛ ba, dɛ́ ɡel n nao ne bela waa cheɡa bwa.

Ɛsra 4:24

Anomanta, ba ɡelɔ Korowii Dea la toma ka che, ka tel kɛŋɔ Koojen Dareɔs aa baa di kora Pɛɛsea harɛ bene anɛ ta.

Ɛsra 7:1

Anɔ bwa habɔɔ, ɡɛ saŋ Koojen Atasɛksɛs aa di kora Pɛɛsea harɛ ta la, dɛ baa bɛl lole baa yerɔ Ɛsra. O mɛɛ sɔne Seraya, Seraya ɡe mɛɛ Asaria, asɛ Asaria ɡe mɛɛ sɔne Hilkia.

Ɛsra 7:8

Koojen la aa di kora bene anuanɛ, korobie anue taa sɔfo Ɛsra ba Jerusalam.

Nehemia 3:1

Nɛra baa kwaara ma danjwɛɛ waa bar Jerusalam laanee Sɔfonomoa Eliasib ne o bala. Ba kwaarɔ ma Peera Doonyoa dɛ do o ɡbeni, dɛ ma danjwɛɛ kaa Lafa Dejaŋ ne Hananɛl Dejaŋ ta, dɛ kpɔ do Korowii nɔn ta.

Nehemia 4:2

O cheɡɛ o bala ne Samaria laa tena sie dɛ ŋɔ, “Bɔkwaa Juu tena baa wola wobɛlbwa jemɛ nɔ ɛɛ ɛ nɔɔ? Baa won berɛ kwaa ma ba danjwɛɛ nɔ cheɡ aa? Baa won ɛ sarahare aa? Baa won ɛ sarahare ásɛ dɛ won tonɔ tɔpebeŋkpoŋ ɡbo aa? Baa won berɛ dɔ bwea le anɔ la baa fuah a daŋɛ chɔ nɔ ta naa?”

Nehemia 4:8

Asɛ ba bwa pɛ, dɛ vɔrɔwe kɛŋɔ, bá ba yo Jerusalam, dɛ́ kpɔ sibeɡra ba ta nɛra baa lɔ bela nɛ.

Nehemia 6:15

Ba ma danjwɛɛ la tonɛ Elul korobie tɔpera fifraanɛ dɛ anue ta, dɛ kpɔ tɔpera fifraanue dɛ anɛ tonɛ toma la bwa.

Yela 71:10

N dɔma dɛ nyin mɛ dɛ́ kpo, ba dɛ vɔrɔwe n vɔrɔwa.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Daneɛl 8:11

O ɛ o te nɛnjen kɛŋɔ Korowii dɔm baa wara kooro la ken, dɛ laa tɔpere bɛlbwa saraha baa ɛa dɛɛ tɛo la lɛ o be, dɛ ɡel doŋa kah Korowii Dea la.

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Maeka 5:1

Jerusalam tena, hé boa he laa tena nyoa, laa tena chɔɔ bar bwɛjen la dɛ́ ba yo yaa. Baa kpɔ daa lɔ Israel kooro kaŋe sihiih kpoo o jirima tonɛ.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Matiu 13:23

Asɛ mea la aa lee harɛdɛɛɡe ta la ɡe cheɡɔ tɛ nɛra baa no Korowii Waa la dɛ lawɛ a bini, a dɔ tɔnɔ tɛɛ ba kɛŋɔ mea la aa ɛa kɛrɛdɛ, ane ma lafare, ane ma fifraanunumɛla, ane ma fifraatotoro la.”

Matiu 24:15

Yeesu berɔ ŋɔ, “Hé naate haa kure tɔn nɔ bonɔ la no a mun kɛrɛdɛ. Hɛɛ na konchɔɡechɔɡe Korowii keame Daneɛl fa aa bol o waa ŋɔ o dɛ paɡre bwɛɛ la cheɡa Korowii Dea boɡoroŋ bela.

Amanesoma Mak Aa Chwera Tɔn 13:14

Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.

Amanesoma Jɔn Aa Chwera Tɔn 1:41

Waa waa tɔ sie ɛ laanee kɛŋɔ o kaa nyin o dɔɔ Seemɔn bɔr, dɛ ŋɔ o be ŋɔ, “Ya na Mɛsaya la.” Mɛsaya munii Kristo.

Amanesoma Jɔn Aa Chwera Tɔn 4:25

Anee haah la ŋɔ o be ŋɔ, “N jemɔ kɛŋɔ ya Lɛɛ la baa dɛ yerɔ Kristo la ɛɛ bao. O balaa, wɛɛ baɡle yaa wobɛlbwaa.”

We-ɛɛla 3:15

Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

We-ɛɛla 8:30

Asɛ Felep chwa la o be dɛ ka no kɛŋɔ waa dɛ kure Korowii keame Aesaya tɔn bobɛl. O bɔɔro ŋɔ, “He dɛ no waa haa dɛ kure nɔ mun aa?”

Ɛfesos 5:16

Wechɔɡa lole kɛrɛdɛ taraken. Anomanta, hé takapɔ dɛɛ ɛ wedɛɛɡa taraken nɔ haa dɔ bɔr dɛ́ ɛa nɔ.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.