Daneɛl 9:21 - mzwDBL

²¹ N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Daneɛl 9:21 ပူးပေါင်းရင်းမြစ်များ

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

1 Koranar 18:36

Saŋ aa tela Elaeja ɛ saraha la, o kaa che saraha kon la jwɛh dɛ soŋe Korowii ŋɔ, “N Naa Korowii Abraham ne Aesek ne Jekɔb baa ɛ ya naawa aa tomɛ, fini ɡel ba jemɛ kɛŋɔ henee Korowii Israel tena aa dɛ tomɛ la. Dɛ́ berɛ ɡel ba jemɛ kɛŋɔ he bonɔɔnee men, hen do mɛ ŋɔ ń ɛ waa nɔ bwa.

Yela 103:20

Nyundua toroma haa kana dɛ do kpeɡri, heyaa dɛɛ teŋɛ o Mmarare ta, hé kpɛɛ Korowii.

Yela 104:4

He ɡelɔ he nyundua toroma do kɛŋɔ peu ne ninlao.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Kaala 29:39

Lawɛ beŋkpoŋ ɛ saraha tɛ mɛ chɔɔ, ásɛ wee aa baa jo la, he kpɔ bɛl la ɡe ɛ tɛ mɛ.

Aesaya 6:2

N berɔ na hweera kwaa ane aa dɛ lawɛ nii dɛ baro cheme baa yera Serafim. A bɛlbwa dɔ kena anumɛl. A kpɔ a kena la bini anɛ dɛɛ tɔ a siebɔr, dɛ kpɔ anɛ dɛɛ tɔ a nakpale ta, asɛ dɛ kpɔ anɛ aa kaa la ɡe dɛɛ ir.

Ɛsekeɛl 1:11

Dɛ ɡɛɛ a siebɔra do. A bɛlbwa dɔ kena anaarɛ, a paɡri anɛ kaa nyundua aa leɡe dɔŋa kwa, anɛ ɡe ɛɛ bɔle a bwara.

Ɛsekeɛl 1:14

Hweera kwaa la laŋɔ dɛɛ ba wɔrɔbe nɛɛ kɛŋɔ bwaala aa dɛ nyɛɡle la.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Daneɛl 10:10

Ate, nɔn bɛl laɡ mɛ ir, asɛ n pi n nɔɔra ne natuune ta, n bwara bwa ɛɛ sa.

Daneɛl 10:16

Asɛ nyundua torome waa do kɛŋɔ nɛn kpɔ nɔn ba leɡe n nyoa, mɔɔ n pa mun pili nyoa dɛ bol wa. N ŋɔ o be ŋɔ, “Nomoa, n na weweele taeh wepila nɔ ta, asɛ a ɡel n bwara yɔr.

Daneɛl 10:18

Ate, o berɛ kwaa leɡ mɛ, asɛ n dɔ bokpeɡa.

Daneɛl 8:16

asɛ n no nomɛl taa Ulai Moo la nyoa o ŋɔ, “Gebreɛl, baɡle baa nɔ o wepila waa naa la mun.”

Daneɛl 8:18

O ta aa dɛ bol waa n be la, n sie bir mɛ n chole, asɛ o laɡ mɛ ir che chiŋ.

Matiu 27:46

Wekee saŋ aa baa tel la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”

Amanesoma Luk Aa Chwera Tɔn 1:19

Anee nyundua torome la chaŋo ŋɔ, “Menee Gebreɛl maa dɛ che Korowii sie la. Onee tom mɛ ŋɔ ń ba bol Amanesoma nɔ he be.

Amanesoma Luk Aa Chwera Tɔn 1:26

Ɛlesabɛt tea la korobie anumɛl ta la, Korowii nyundua torome baa dɛ yerɔ Gebreɛl la le Korowii be dɛ ba bwɛɛ bɛl baa dɛ yerɔ Nasarɛt waa lɔ Galilia harɛ ta la ta.

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

We-ɛɛla 10:9

Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala.

We-ɛɛla 12:7

Kerabeŋkpoŋ dɛ Korowii nyundua torome cheɡɛ dea la bini, asɛ bela chaah. O baa lɔ Pita dɛ chumu, dɛ ŋɔ o be ŋɔ, “Ir warane!” Buɡ la taa, Pita nɔɔra jɔɡrɔre la foo le.

We-ɛɛla 3:1

Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 1:7

O bol nyundua toroma la ɡe waa ŋɔ, “O ɡelɔ o nyundua toroma do kɛŋɔ peu ne ninlao.”

Wepila 9:17

N na jaɡre la kɛ chaahna ken, a dɔɔranar so a ta, dɛ do laa batakaare bune aa dɛ bɔle bambile la, asɛ a swɛɛ kɛŋɔ chal, ane do kɛŋɔ burum, asɛ ane ɡe kɔl kɛŋɔ solmen. Asɛ jaɡre la nyuune do kɛŋɔ nyujentena nyuune. Asɛ nii ne chuu ne jebɔrɔwe ninlao ɛɛ le a nyoo.