Daneɛl 9:19 - mzwDBL

¹⁹ N Naa Korowii no. N Naa Korowii kpɔ kɛ yaa. N Naa Korowii, cheɡ deŋne dɛ́ ɛ waane. Bɛ ɡel a biɡri, ɡɛ aa ɛ nomɛlbwa jemɛ kɛŋɔ he cheɡɛ he nɛra ne bwɛjen nɔ nɛɛ dɛ lɛ sɔn tɛ he te.”

Daneɛl 9:19 ပူးပေါင်းရင်းမြစ်များ

2 Webena 6:21

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

2 Webena 6:39

noa nyundua bela haa soɡa la, ásɛ dɛ na ba sum. Kpɔ he nɛra wechɔɡa baa ɛa bwa kɛ ba.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Jeremia 14:9

Ɛrɛɛ he do kɛ nɛn waane aa piɡru, kɛɛ banyoo waa wola kpeɡe dɛ́ won lɛ o nɛra nɔɔ? N Naa Korowii, kasinteŋ he ja ya nɛ, he sɔn dawɛ ya nɛ, anomanta, bɛ yaa vɛh.’ ”

Jeremia 25:29

Mɛɛ kpɔ wenaalee ba ta bwɛjen n ɡbabir sɔn aa dawɛ o ta. Ba dɛ lii kɛŋɔ ba tenee wola deŋnetɛraa dɔ aa? Akai, baa won le a nyoa, dɛkalkɛ n dɛ ba laa ne ba ta harɛ nɔ nɛra bwa nɛ. Men Koranar Bwa Kooroo bola.

Ɛsekeɛl 20:14

Kɛ maa dɛ nyin n sɔndɛɛɡe nomanta, n ɡelɔ ásɛ harɛre ta nɛra baa lɔ bela dɛ na kɛŋɔ, n laɡ ba le Ijipt harɛ ta la bɛ n sɔnchɔɡe yerɛ.

Ɛsekeɛl 20:22

Ate, n berɛ lawɛ bambile, dɛkalkɛ aa chɔɡ n sɔnee harɛre nɛra baa naa n lawɛ Israel tena le Ijipt harɛ ta, ba siwi ta la.

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Ɛsekeɛl 36:22

Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Emɔs 7:2

Tontombɛ la balɔ, dɛ ba chɔɡ konlwɛɛ te bɛlbwa harɛ la ta, asɛ n ŋɔ, “Nemenɛ Korowii, ɡel kɛ he nɛra! Ɛrɛɛ he nɛra ɛɛ ba wona so nɔ? Ba nɔn ta kao!”

Nɛra Kura 14:19

Che he nyina waa kana kohona la ta, dɛ́ kpɔ nɛra nɔ wechɔɡa kɛ ba, ɡɛ haa kpɔa dɛɛ kɛ ba le saŋ baa le Ijipt harɛ ta dɛ ba le taraken nɔ la.”

Nɛra Kura 6:27

Korowii ŋɔ, “Gɛɛ Arɔn ne o bibaala ɛɛ ba sweera tɛ Israel tena, ásɛ n ɡel ba na som.”

Amanesoma Luk Aa Chwera Tɔn 11:8

Kasinteŋ, dɛ a ka darame la ɡbo wa aa, o fe aa ir dɛ́ tɛɛ komɛlbwa. Kɛ haa wola kaalɛ, dɛ ta che dɛɛ soŋo la nomanta, wɛɛ tɛɛ komɛlbwa haa dɛ nyin laanee.

We-ɛɛla 15:17

ásɛ harɛ ta nɛra baa kaa baa wola Juu tena ɛɛ la bwa ba nyin n bɔr, dɛ́ tom mɛ. Men lee ba ŋɔ ba ɛ n nɛra. N Naa Korowiirii ŋɔ ɡɛ.

Ɛfesos 1:12

ásɛ nɛra won nyiŋi ya banɔ la yaa fela dɔ hwɛɡa Yeesu Kristo waa ta la, dɛ́ kpɛɛro, dɛ́ tɛo jirima.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.