Daneɛl 8:4 - mzwDBL

⁴ N na pebal la kɛŋɔ waa chuɡri ola le wee cholibɔr ne weekaŋle nyunduabɔr dɛ weekaŋle harɛbɔr. Ol bɛlbwa ta wone che o sie kɛɛ dɛ won sɔɔh o kpeɡri nyoa. O ɛ ɡɛ a too o tea dɛ dɔ kpeɡri taeh.

Daneɛl 8:4 ပူးပေါင်းရင်းမြစ်များ

1 Koranar 22:11

Korowii keamere la bini bɛlee Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena, dɛ́ pɔ ba nɛ.’ ”

Job Tɔn 10:7

He ɡbabir jemɔ kɛŋɔ n ta wechɔɡa ɛɛ, nomɛl aa won lɛɛ mɛ le he nɔn ta.

Yela 44:5

He kpeɡri taa a che, ya won pɔ ya dɔma nɛ, he sɔn taa ya che, dɛ tiɡri ba nɛ.

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Yela 7:2

ásɛ ba bɛ n bini peeɡe kɛŋɔ nyujente, dɛ́ toɡri n bini nomɛlbwa aa wola won lɛɛ mɛ.

Ɛsekeɛl 34:21

He taɡɛ n peera aa ɡwɛɡra la vaama ne, dɛ chuɡra nyeɡlare ne ka ta,

Daneɛl 11:16

Siiria kooro waa ka lɔ tɔ ba nɛɛ la, wɛɛ ɛɛ baa ɡɛ waa dɛ nyin, nomɛlbwa aa wola won tɔɔ ŋwɛnɛ. Wɛɛ ka che Israel Harɛdɛɛɡe la taa, ásɛ dɛɛ di kpeɡri o ta.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 5:19

Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Daneɛl 7:5

N berɔ na oljen nɛɛte o do kɛŋɔ sisire ken. O iro joŋi o habɔɔ nakpale anɛ ta, dɛ kuɡlambii atoro lɔ o nyoa o kpɔ nyena nyɛwa. Asɛ taa bɛl ŋɔ o be ŋɔ, ‘Ir ka chwe ola ɡɛ bwa haa won.’

Daneɛl 8:7

N nao kɛŋɔ o kpɔ bandia kohona ka pu pebal la, asɛ dɛ chuɡo dɛ laa o nyeɡlare anɛ la kuuɡi. Pebal la sɔɔhnɔ o ta wone pu booh la yo, asɛ o chuɡo ɡo harɛ dɛ tiɡri o nɛ. Nomɛlbwa toole dɛ won lɛ pebal la.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’