Daneɛl 8:2 - mzwDBL

² Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,

Daneɛl 8:2 ပူးပေါင်းရင်းမြစ်များ

Mumpar 10:22

Sɛm bibaala waa lol ba laanee, Elam ne Assur ne Aafaksad ne Lud dɛ Aram.

Mumpar 14:1

A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro.

Nehemia 1:1

Waa Hakalia bibaa Nehemia aa ɛa laanee teŋa nɔ. Koojen Atasɛksɛs aa di kora Pɛɛsea harɛ ta bene fifraanɛ, Keslɛv ta, dɛ men Nehemia lɔ bwɛjen Susa.

Ɛsta 1:2

Dɛ o soɡe Susa waa ɛ Pɛɛsea koobwɛɛ ta.

Ɛsta 2:8

Kooro Sɛksɛs aa ŋɔa bá ɡaaɡe toldɛɛɡa bɔr la, ba dɔ bane dɛ kpɔ ba kaa koobwɛɛ Susa koodem haahna dobɔr ka tɛ Heɡai ŋɔ wɛ́ɛ nyiŋi ba nɛ. Dɛ Ɛsta ɡe ja bɛl.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Ɛsta 7:6

Anee Ɛsta chaŋo ŋɔ, “Nɛnchɔɡe Heeman nɔɔ ya dɔm waa do yaa ɡɛ wahala nɔ ta.” Belaa ɔmee chole Heeman nɛɛ kohona kooro ne o haah Ɛsta sie.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Ɛsta 9:11

Awola tenten la, ba baɡle nɛra baa kpoora koobwɛɛ Susa bela la kooro be.

Ɛsta 9:15

Adar korobie tɔpera fi dɛ anaarɛ wee la, Juu tena baa lɔ Susa la chemo. Ba kpoo nɛra lafraatoro bwɛɛ la ta ja, kɛ ba ta ba komɛlbwa kpɔe.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Jeremia 25:25

ne Simri ne Elam dɛ Midia koranar bwa,

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Ɛsekeɛl 32:24

Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.

Daneɛl 10:4

A ɡɛ bena la korobiloɡle tɔpera fifraanɛ dɛ anaarɛ ta, dɛ men Daneɛl, n cheɡɛ Tiɡris Mojen nyoa.

Daneɛl 7:15

Wepila men Daneɛl aa naa la ha mɛ taeh, doma ne liire bini bwa.

Daneɛl 7:2

N deera la ta la, n nao kɛŋɔ peu bele anaarɛ tao le baŋ bɛlbwa kpɔ nyundua dɛ baa ta mpo ta.

Daneɛl 8:1

Kooro Bɛlsasa aa di kora bene atoro ta la, men Daneɛl na wepila ja anɔ la n fa aa naa la habɔɔ.

Daneɛl 8:3

asɛ n na pebal bɛl o dɔ nyeɡlejaŋa anɛ. A habɔɔ la, nyeɡle la bɛl berɔ ba kpeɡ dɛ do jaŋne ɡwaa o dɔŋ la.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

Wepila 9:17

N na jaɡre la kɛ chaahna ken, a dɔɔranar so a ta, dɛ do laa batakaare bune aa dɛ bɔle bambile la, asɛ a swɛɛ kɛŋɔ chal, ane do kɛŋɔ burum, asɛ ane ɡe kɔl kɛŋɔ solmen. Asɛ jaɡre la nyuune do kɛŋɔ nyujentena nyuune. Asɛ nii ne chuu ne jebɔrɔwe ninlao ɛɛ le a nyoo.