Daneɛl 8:19 - mzwDBL

¹⁹ O ŋɔ n be ŋɔ, “N dɛ ba waa aa dɛ ba Korowii bandia kohona la habɔɔ bala he be bola. Wepila la dɛ baɡle waa bwa jaɡa saŋ wa.

Daneɛl 8:19 ပူးပေါင်းရင်းမြစ်များ

Yela 102:13

Hɛɛ sune bwɛjen Saayɔn tena nɛɛ, saŋ haa lea cheɡ la telo kɛ he dɔ tedoma tɛɛ ba.

Daneɛl 11:27

Gɛ koranar banɛ baa dɔ liichɔɡa tɛ dɔŋa nɔ ɛɛ pɛo so tiɡ ta dɛɛ neɡre dɔŋa, kɛ aa tɔnɔ bɛlbwaa dɔ tɛɛ ba, dɛkalkɛ saŋ baa lea cheɡ la ta dɛ ba.

Daneɛl 12:4

Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”

Daneɛl 8:23

Koranar banaarɛ kora dii la aa dɛɛ ba a jaɡa la, baa ɛ deŋnekpeɡ kohonaa dɛ́ chɛ deŋnetɛra. Ásɛ kooro o nyu bini aa kpeɡa dɛɛ neɡre nɛra ba.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Amanesoma Luk Aa Chwera Tɔn 21:23

Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! Dɛkalkɛŋɔ nɛra ɛɛ na wahala harɛ nɔ ta kohonaa, asɛ Korowii baah di ba nɛɛ o tɛr ba deŋne.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Wepila 10:7

Nyundua torome nuanɛte la bɛla la hoeh saŋee Korowii wesɔɔhla waa baɡle o bonɔɔna baa ɛ o keamere la bwa ɛɛ ba ɛɛ tonɛ.”

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 15:1

N berɔ na wejena ane Korowii doa, a do kan dɛ baɡle waane. A ɛ nyokpoa taeh. N na nyundua toroma banuanɛ ba kpoŋe hɔhɔrɔwa bele anuanɛ. Anee hɔhɔrɔwa aa ka mun ba ɛ, dɛkalkɛŋɔ anee dɛɛ ba ɛɛ mɔɔ Korowii baah sɔɔh.

Wepila 17:17

dɛkalkɛŋɔ Korowiirii kpɔ ɡɛ do ba bambile bini kɛŋɔ bá ɛ waa waa dɛ nyin, dɛ́ ɡel ba ɛ liire beŋkpoŋ, dɛ́ kpɔ ba kpeɡri tɛ olchɔɡe la ó di ka tel kɛŋɔ waa Korowii aa bola la aa ɛa.