Daneɛl 8:18 - mzwDBL

¹⁸ O ta aa dɛ bol waa n be la, n sie bir mɛ n chole, asɛ o laɡ mɛ ir che chiŋ.

Daneɛl 8:18 ပူးပေါင်းရင်းမြစ်များ

Mumpar 15:12

Aa baa ka tama asɛ wee le harɛ la, Abram chɔ dom ka ɡarɛ. O dom chɔe bini la, bɔr biro kpirkpir ken ta o nɛ, asɛ ɔmee lawɔ kohona.

Job Tɔn 4:13

A do kɛŋɔ jwaanen deechɔɡa ken, a chɔɡ n dom,

Ɛsekeɛl 2:2

Waa dɛ bol waa la, o Doma baa so n nɛ dɛ ɡɔɔ mɛ ir che, asɛ mɛɛ no o wobol la.

Daneɛl 10:16

Asɛ nyundua torome waa do kɛŋɔ nɛn kpɔ nɔn ba leɡe n nyoa, mɔɔ n pa mun pili nyoa dɛ bol wa. N ŋɔ o be ŋɔ, “Nomoa, n na weweele taeh wepila nɔ ta, asɛ a ɡel n bwara yɔr.

Daneɛl 10:18

Ate, o berɛ kwaa leɡ mɛ, asɛ n dɔ bokpeɡa.

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Sekaria 4:1

Korowii nyundua torome la o ne men Sekaria fa aa bol waa la berɔ ba chum mɛ kɛŋɔ nɛn yon chɔ dom ba chumu la.

Amanesoma Luk Aa Chwera Tɔn 22:45

Waa soŋe Korowii tonɛ dɛ berɛ la o habɔteŋra la be la, lokua kohona nomanta, dɛ ba chɔɔɡe doromi.

Amanesoma Luk Aa Chwera Tɔn 9:32

Dɛ Pita ne o bala la dɛ chɔ doromi. Ba iro dɛ na Yeesu kɛŋɔ o laala aa toa dɛɛ nyɛɡle al-al ken. Ba na nɛra banɛ la baa ja Yeesu nɛɛ la ɡe.

We-ɛɛla 26:6

Korowii baɡɛ ya naawa nyoa bɛl. N dɛ hwɛɡɛ ɡɛ nyobaɡa la ta. Gɛ hwɛɡa nɔ waa ba koh laɡ mɛ asɛ n che he sie hɛɛ ba n waa bola la.

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.