Daneɛl 8:14 - mzwDBL

¹⁴ Asɛ o chaŋe ŋɔ, “Aa ɛo ka tel chɔɔ ne jɔmɔre kaɡboŋa anɛ lafraatoro, baa wola won ɛ sarahare, a habɔɔ mɔɔ ba ɛ we-ɛɛla, dɛ́ laa doŋa bɛlbwa kpɔ Korowii Dea la ta, ó do ɡoroŋ tɛ Korowii.”

Daneɛl 8:14 ပူးပေါင်းရင်းမြစ်များ

Mumpar 1:5

dɛ pa bochaah la sɔn asɛ dɛ pa biro la ɡe sɔn . Asɛ bɔr jo dɛ chaah. Onee tɔpere waa tɔ sie.

Aesaya 1:27

Waa bola dɛ́ pa bole kasinteŋ ne taa Korowii ɛɛ ba cheɡa dɛ́ lɛ Saayɔn tena. Nɛra baa charɛ ba liire dɛɛ ɛ waa aa toɡra la, wɛɛ lɛɛ baa.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Daneɛl 12:11

Le ɡɛ saŋ baa ɡel tɔpere bɛlbwa sarahare ɛɛ, dɛ́ kpɔ konchɔɡechɔɡe waa dɛ paɡre bwɛɛ la pa la ɛɛ ɛ tɔpera kaɡboŋ lafraanɛ fifraanuanaarɛɛ.

Daneɛl 12:12

Nɛra baa so kasinteŋ ne, dɛ́ kpa ka tel tɔpera kaɡboŋ lafraatoro fifraatoro dɛ anue aa ba kaa la, ba na som.

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Daneɛl 8:26

Chɔɔ ne jɔmɔre sarahare wepila baa baɡle a mun tɛɛ la ɛɛ ɛ kpelaa. Anomanta, marɛ wepila la nyoa, dɛkalkɛŋɔ aa la sie tama mɔɔ á chiɡ.”

Galaasia 3:8

Korowii Tɔn baɡlɔ kɛŋɔ yarada taa aa ba cheɡa ásɛ Korowii lɛ nɛra baa wola Juu tena ɛɛ la kɛ nɛndɛɛɡa ba waa su o siwi. Korowii fa bol Amanesoma la waa Abraham be dɛ ŋɔ, “He nɛɛ aa ba cheɡa Korowii swee nɛwɛnyina bwa andɛɛɡa.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

Wepila 13:5

Korowii ta on ŋwɛnɛ tɔe. O ɡelɔ wɛɛ bol wejena ne nɛnhɛlwa, dɛ ɡel o dɔ kpeɡri dɛ́ won ɛa korobie fifraanaarɛ dɛ anɛ.