Daneɛl 8:12 - mzwDBL

¹² Nɛra fe aa kpoo kwaa dɛɛ ɛ sarahare tɔpere bɛlbwa la, wechɔɡaa ba berɛ dɛɛ ɛ. A che a ta Korowii waa aa dɔ kasinteŋ la nyoɡre. Wobɛlbwa nyeɡle la aa ɛa la chiɡu kɛrɛdɛ.

Daneɛl 8:12 ပူးပေါင်းရင်းမြစ်များ

Job Tɔn 12:6

Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Yela 119:142

He toɡra haa toɡra ta jaɡa dɔe, asɛ he Mmara ɡe dɔ kasinteŋ.

Yela 119:43

Gel n won kasinteŋ bola saŋ bɛlbwa, dɛkalkɛŋɔ n hwɛɡa bwa lɔ he waa la ta.

Yela 28:5

Ba siwi aa waa Korowii aa ɛa tɔɡɛ, kɛɛ kwaa waa taa bwa. Anomanta, wɛɛ tɛr ba deŋnee, dɛ́ chɔɡ ba kwaraa!

Aesaya 59:14

Waa aa ɛ kpela ne waa aa toɡra kaa bojaŋ, a do kɛŋɔ kasinteŋ toole kpa ken.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Daneɛl 11:28

Siiria kooro ɛɛ kpɔ laala waa paa laa ta la bwaa kaa o harɛ ta, dɛ́ kpɔ sibeɡra dɛɛ nyin o chɔɡ Korowii ne o nɛra fɔo waa do ɡoroŋ la. Wɛɛ ɛ ɡɛ bɛlbwa waa dɛ nyinii, ásɛ dɛ berɛ kaa o ɡbaɡba harɛ ta.

Daneɛl 7:21

N ta aa dɛ nyiŋi la, n nao kɛŋɔ ɡɛ nyeɡle la yo Korowii nɛra ba waa aa toɡra laa dɛ pɔ ba nɛ,

Daneɛl 8:4

N na pebal la kɛŋɔ waa chuɡri ola le wee cholibɔr ne weekaŋle nyunduabɔr dɛ weekaŋle harɛbɔr. Ol bɛlbwa ta wone che o sie kɛɛ dɛ won sɔɔh o kpeɡri nyoa. O ɛ ɡɛ a too o tea dɛ dɔ kpeɡri taeh.

Wepila 13:7

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.

1 Samoɛl 23:9

Devid aa naa kɛŋɔ Kooro Sɔɔl dɛ vɔrɔwe o kpoe waa la, o ŋɔ sɔfo Abiata be ŋɔ, “Kpɔ sɔfo batakaarebora efɔd la ba tɛ mɛ, ásɛ ya bɔɔ le Korowii be ɡɛ yaa ɛ.”