Daneɛl 7:25 - mzwDBL

²⁵ Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Daneɛl 7:25 ပူးပေါင်းရင်းမြစ်များ

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Daneɛl 11:28

Siiria kooro ɛɛ kpɔ laala waa paa laa ta la bwaa kaa o harɛ ta, dɛ́ kpɔ sibeɡra dɛɛ nyin o chɔɡ Korowii ne o nɛra fɔo waa do ɡoroŋ la. Wɛɛ ɛ ɡɛ bɛlbwa waa dɛ nyinii, ásɛ dɛ berɛ kaa o ɡbaɡba harɛ ta.

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Daneɛl 3:26

Ate, Kooro Nebukadnesa ka che bɛne fononoo nijena la nyoa bɔr, dɛ kpɔ takpeɡ yerɛ ŋɔ, “Nemenɛ Korowii bonɔɔna Sadrak ne Mesak dɛ Abɛdnɛɡo, hé le nii la ta ba!” Buɡ la ta, ba den le ba che.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 4:2

N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 7:18

A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’

Daneɛl 7:20

N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la.

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Daneɛl 8:11

O ɛ o te nɛnjen kɛŋɔ Korowii dɔm baa wara kooro la ken, dɛ laa tɔpere bɛlbwa saraha baa ɛa dɛɛ tɛo la lɛ o be, dɛ ɡel doŋa kah Korowii Dea la.

Daneɛl 8:14

Asɛ o chaŋe ŋɔ, “Aa ɛo ka tel chɔɔ ne jɔmɔre kaɡboŋa anɛ lafraatoro, baa wola won ɛ sarahare, a habɔɔ mɔɔ ba ɛ we-ɛɛla, dɛ́ laa doŋa bɛlbwa kpɔ Korowii Dea la ta, ó do ɡoroŋ tɛ Korowii.”

Daneɛl 8:9

Nyeɡlejeɡa bɛl leɔ pa nyeɡlare la bɛl ta, dɛ di kpeɡri kohona chaɡɛ weekaŋle harɛbɔr ne wee leebɔr, dɛ kpoŋe kaa Israel Harɛdɛɛɡe la ta.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

2 Tesalonika 2:3

He bɛ ɡel nomɛlbwa neɡre heyaa ŋwɛnɛ bɛlbwa ta. Hé jemɛ kɛŋɔ waane ɛɛ ɛo mɔɔ ásɛ tɔpere la ba. Gɛ saŋ nɛra aa ir dɛ́ warɛ pirim dɛ́ vɛh Korowii la ɛɛ bao, mɔɔ nɛn waa ɛ Kristo dɔm tenten Korowii bandia aa lɔ o nɛɛ kɛŋɔ ó chɔɡo la le.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

Wepila 12:6

Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.

Wepila 14:12

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Wepila 18:24

Korowii keamere ne o nɛra ba wa aa toɡra, ne nɛra baa kpoo ba harɛ nɔ ta bwa la, ba chalee bá na bwɛɛ la ta la.”