Daneɛl 7:20 - mzwDBL

²⁰ N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la.

Daneɛl 7:20 ပူးပေါင်းရင်းမြစ်များ

Daneɛl 7:11

N ta aa dɛ nyiŋi la, dɛ nyeɡlejeɡa la dɛ bol mbarafo wobol. N nyiŋo ka tel kɛŋɔ baa kpo oljen waa teŋa naarɛ la, dɛ chɔɡ o ol, dɛ ɡɔɔ ta nii aa dɛ hɔ la ta.

Daneɛl 7:19

Asɛ n berɛ dɛɛ nyin ń jemɛ oljen waa teŋa naarɛ, o waa korɛ o bala bini dɛ do ɔma kohona, o nyena ɛ bune o nanie ɛ ayaawa la. O lawɛ komɛlbwa naa, o dɛ chweo dɛ diu, dɛ tiɡri o kabora do harɛ la mun.

Daneɛl 7:21

N ta aa dɛ nyiŋi la, n nao kɛŋɔ ɡɛ nyeɡle la yo Korowii nɛra ba waa aa toɡra laa dɛ pɔ ba nɛ,

Daneɛl 7:23

O baɡ mɛ oljen waa teŋa naarɛ la waa mun. ‘Oljen waa teŋa naarɛ la cheɡɔ tɛ kora waa teŋa naarɛ, dɛ́ ba harɛ nɔ ta bwa. O kora ɛɛ korɛ kora bɛlbwa taa, dɛ́ lɛ harɛ nɔ bwa dɔɔh, dɛ́ tiɡri o ta.

Daneɛl 7:7

A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Wepila 12:3

Nyokpowaa ane ɡe aa dɛ baɡle waane berɔ ɛ nyundua bela ja. Kontuuɡi damanta bɛl waa le lɛŋɔ leɔ. O swɛɛrɔ dɛ dɔ nyuune anuanɛ dɛ nyeɡlare fi. Asɛ kooɡbɛrɛ pi o nyuune la bɛlbwa ta.