Daneɛl 7:2 - mzwDBL

² N deera la ta la, n nao kɛŋɔ peu bele anaarɛ tao le baŋ bɛlbwa kpɔ nyundua dɛ baa ta mpo ta.

Daneɛl 7:2 ပူးပေါင်းရင်းမြစ်များ

Aesaya 17:12

Sibeɡra chole harɛre aa wara nɛ, a nɛra ɛɛ si kɛŋɔ mpo ken, dɛɛ do ɡbɔɡa kɛŋɔ mpo nehɛma ken.

Jeremia 49:36

Mɛɛ ɡeloo dɔma le harɛ nɔ ta bobɛlbwa dɛ́ ba yo Elam tena laa, dɛ́ lɔ ba peɡre bobɛlbwa, harɛ bɛlbwa aa ka baa wola belaa do.

Jeremia 51:42

Mpo suu tɔ Babelɔn harɛ ta, o nehɛma tao ba bɔle o ta.

Daneɛl 11:4

Gɛ kooro la balaa, o harɛre waa dɛ di kora a ta la dɛ ba peɡra, dɛ bɔne bɔre anaarɛ. O naanar aa koraa dɔ di. Gɛ kooro la aa kpeɡrii dɔ kpa, dɛkalkɛ o kora la ɛɛ ɡuu, dɛ́ berɛ bane kon.

Daneɛl 2:19

Awola jwaana la, Korowii pili waa la bini baɡle Daneɛl. Asɛ o kpɛɛ Korowii Waa Dɛ Di Kora Nyundua.

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Daneɛl 7:7

A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.

Daneɛl 8:2

Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,

Daneɛl 8:8

Booh la baa dɔ kpeɡri kɛrɛdɛ, kɛ o ta aa dɛ di kpeɡri la, o nyeɡlejen la kuu asɛ nyeɡlare anaarɛ aa kana le paaɡe o buɡ ta. Bɛl chaɡɛ weekaŋle nyundua, bɛl chaɡɛ wee leebɔr, bɛl chaɡɛ weekaŋle harɛbɔr, asɛ bɛl chaɡɛ wee cholibɔr.

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Wepila 17:15

Nyundua torome la ŋɔ n be ŋɔ “Neerare la haa naa kɛŋɔ jwamane te la soɡe a nyoo la cheɡɔ tɛ wobol te bɛlbwa nɛra baa lɔ harɛ nɔ ta bobɛlbwa.

Wepila 7:1

Anɔ habɔɔ la, n na nyundua toroma banaarɛ baa cheɡɛ harɛ nyoo peu leebɔra anaarɛ dɛ lawɛ peu, ásɛ a bɛ harɛ ne mpo ne daa bɛlbwa ta ta.