Daneɛl 7:15 - mzwDBL

¹⁵ Wepila men Daneɛl aa naa la ha mɛ taeh, doma ne liire bini bwa.

Daneɛl 7:15 ပူးပေါင်းရင်းမြစ်များ

Daneɛl 7:28

Waa la jaɡaa la. Men Daneɛl aa naa la, n ɔmɔ kohona n siebɔr ɡwaŋɛ, kɛ n kpɔ wobɛlbwa do n nyu bini.”

2 Pita 1:14

N jemɔ kɛŋɔ aa biɡri n wur n harɛ nɔ ta bwadabii nɔ ta. Ya Dɔɔ Yeesu Kristo ɡelɔ n jemɛ ɡɛ waa nɔ.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Daneɛl 7:1

Babelɔn Kooro Bɛlsasa aa di kora benanyoa beŋkpoŋ ta la, men Daneɛl deero dɛ na wepila ane ɡɛ saŋ maa chɔ mpa ta jwaana. Asɛ n chwerɛ waa maa naa deera la ta jwaana la bil.

Daneɛl 4:5

N deero asɛ dɛ na waane ɔmee laɡ mɛ. Maa chɔa la n na wepila, asɛ koŋkwaa ane soo siwi ɡale n sie ta a ɡel mɛɛ ɔmɛ kohona.

Daneɛl 2:3

o ŋɔ ba be ŋɔ, “N liire chɔɡ n deera ane maa deera wa, asɛ mɛɛ nyin a mun dɛ́ jemɛ.”

Daneɛl 2:1

Kooro Nebukadnesa aa di kora bennɛɛte ta la, awola bɛl o deero, asɛ o liire chɔɡ o ta wone chɔ.

Jeremia 17:16

N ta vɛɛh kɛŋɔ mɛɛ nyiŋi he nɛra nɛɛ kɛŋɔ peteɡre, maa nyin kɛ he kpɔ sibeɡra tɔpere bɛlbwa ba ba nɛ. Wobɛlbwa aa le n nyoa la chɔ he sie.

Mumpar 41:8

Tɔ aa pera chɔɔ la, dɛ o liire chɔɡɔ, anomanta, o yerɛ dobodobo tena ne wejerema baa lɔ harɛ la ta ba o be. O taa o deera la ba be, kɛ bɛlbwa ta wone baɡle a mun.

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Daneɛl 8:2

Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,

Daneɛl 10:16

Asɛ nyundua torome waa do kɛŋɔ nɛn kpɔ nɔn ba leɡe n nyoa, mɔɔ n pa mun pili nyoa dɛ bol wa. N ŋɔ o be ŋɔ, “Nomoa, n na weweele taeh wepila nɔ ta, asɛ a ɡel n bwara yɔr.