Daneɛl 7:10 - mzwDBL

¹⁰ Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Daneɛl 7:10 ပူးပေါင်းရင်းမြစ်များ

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

2 Webena 18:18

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Job Tɔn 25:3

Umee dɛ́ won jemɛ o laa tena nyoa ɔ? Bobɛlbwa toole o bochaah la aa wola toole.

Yela 103:21

Korowii dɔm haa wara dɛ do o be nyundua, hé kpɛɛro.

Yela 18:8

Ninchuu le o mebɔɔne bini, ninlao aa dɛ chɔɡ kwaa le o nyoa, ninhɔla aa dɛ fuh kwaa ɡe ɛɛ le o nyoa.

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

Yela 68:17

Korowii dɔ kwaa aa do kɛ torɔɡore, baa wola won kura, dɛ le Sinai Bwejen ta, dɛɛ ba o Dea la ta.

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Daneɛl 7:22

mɔɔ Nɛn Waa Lole Saŋ La Bwa la ba, dɛ́ ba pa Nemenɛ Korowii nɛra ba waa aa toɡra la boldɛɛɡe, asɛ saŋ tel kɛŋɔ ba kpɔ ba kora di name.

Daneɛl 7:26

Nomonome ɛɛ soo dɛ́ bol o wa, dɛ́ laa kpeɡri waa dɔa la lɛ o be, dɛ́ chɔɡo kwaraa a tonɛ.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Tɔn Jud Aa Chwera 1:14

Adam natɛɛ ɡe naa Enɔk fa na ba waa dɛ bol ba waa ŋɔ, “N Dɔɔ ɛɛ ba o nyundua toromedɛɛɡa kaɡboŋa nee,

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 5:11

N nyiŋo dɛ no kɛ bobɛlbwa dɛ ɡbɔɡre, dɛkalkɛŋɔ dɛ nyundua toroma warɔ taeh, dɛ ba bar kookara la ne hweera kwaa ne nomonome la bwa dɛ cheme. Ba lɔ kaɡboŋa kaɡboŋa maa wola ba nyoa jemɛ,