Daneɛl 6:8 - mzwDBL

⁸ N naa kooro, do ɡɛ mmara la dɛ́ ɡel ba chwerɔ, ásɛ he kpɔ nɔn ɛɡɛ o ta, ásɛ nomɛlbwa bɛ won berɔ ɡɛ baa wola won Midia ne Pɛɛsea tena mmara berɛ la.”

Daneɛl 6:8 ပူးပေါင်းရင်းမြစ်များ

Ɛsta 1:19

Mɛmokan ŋɔ, “N naa kooro, dɛ hɛɛ sɛoh waa, do mmarafale bá chwerɛ ja Pɛɛsea ne Midia harɛre mmarare ta, nomɛlbwa aa wola won beɡra bwa, kɛŋɔ Vasti bɛ hen Kooro Sɛksɛs sie tire kpa. O bɛ he haah ɡe ɛ kpa, bá nyin haah waa dɔ da dɛ ɡwaalo tɛɛ he moo.

Ɛsta 3:12

Korobiloɡle tɔpera fi dɛ atoro ta la, Heeman yerɛ kooro nomonome bwa cheme. O ɡelɔ ba chwerɛ ɡɛ waa bol Juu tena waa la wobol bwa soo siwi aa lɔ harɛre la bɛlbwa ta, ne ɡɛ ba chwera aa doa, dɛ kpɔ ka tɛ koranar ne nomonome baa chɔ harɛ bɛlbwa nyoa, ne ba nomonjena bwa. Kooro sɔn taa ba chwera, dɛ kpɔ o noniseɡ ɛɡɛ a ta, asɛ a ɛ mmara, dɛ chɔ le saŋ bɛlbwa.

Ɛsta 8:10

Kooro Sɛksɛs kpeɡri taa Mɔdekae che dɛ ɡel ba chwerɛ tɔne la, asɛ dɛ kpɔ noniseɡ la ɛɡre a ta, dɛ kpɔa tɛ nɛra ba so kooro jaɡre aa won chwae ta, dɛ kpɔ tɔne la ka bɔne tɛ nɛra baa soɡe o harɛre la bwa ta.

Ɛsta 8:3

Kooro haah Ɛsta berɔ ba kooro sie, dɛ ba ɡuŋu harɛ siniire ne, dɛ soŋo ŋɔ, ó ɡel ba teŋe liichɔɡa Aɡaɡ naa Heeman aa liira kɛ ba kpoo Juu tena bwa la ta.

Ɛsta 8:8

Taraken nɔ, n tɛ heyaa ŋwɛnɛ kɛ hé kpɔ n sɔn, dɛ́ chwerɛ mmarafale ja ka tɛ nɛra baa lɔ n harɛre la bwa ta, dɛ́ tɔ Juu tena kpoora la ŋwɛnɛ. Hé chwerɔ ɡɛ bɛlbwa haa dɛ nyin. Hé chwerɔ tonaa, hé kpɔ n noniseɡ ɛɡre a ta, dɛkalkɛŋɔ tɔne baa chwerɛ n sɔn ta dɛ kpɔ n noniseɡ ɛɡre a ta la, nomɛlbwa aa won tire a ta.”

Yela 94:21

Ba pɛ nyoa dɛɛ vɔrɔwe nɛndɛɛɡa vɔrɔwa, dɛ ɡel ba pa nɛra baa di boldɛɛɡe la bolchɔɡe ŋɔ, bá ka kpo ba.

Aesaya 10:1

Nɛra baa dɛ do mmarare aa wola aŋwɛnɛ ta ɛɛ, ne mmarakpeɡa dɛ́ fiiɡi nɛra la, ba bwɛɛlɛ.

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Daneɛl 6:12

Anomanta, ba la Kooro Dareɔs be dɛ ka ŋɔ, “He ta mmara doe ŋɔ tɔpera fifraatoro aa lɔ ya sie nɔ ta, nomɛlbwa waa ɡuŋi voɡ kɛɛ nɛn, dɛ he kooro laa o ba ɡuŋi dɛ́ soŋe la, bá lawɔ ka do nyujentena bɔɔ bini naa?” Ate, kooro chaŋe ŋɔ, “Mmara la ta chɔ le dɛ che kiŋkiŋ ɡɛ Midia ne Pɛɛsea tena mmara baa wola won berɔ la.”

Daneɛl 6:15

Asɛ nɛra la berɛ pɛ dɛ la kooro be dɛ ka ŋɔ, “N naa kooro, lii kɛŋɔ Midia ne Pɛɛsea tena mmara bini la, dɛ kooro do mmara aa, baa won on berɛ.”

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.