Daneɛl 6:7 - mzwDBL

⁷ Ya nomonome bwa yaa dɛ nyiŋi Babelɔn harɛ nɔ ta, nomonome baa dɛ nyiŋi nɛra nɛ, ne nomonome baa chɔ harɛre nyoo, ne laa sitɔɔla dɛ nomonome baa jaa, sɛoh kɛŋɔ hen n naa kooro do mmara, dɛ nyiŋi na kɛŋɔ wɛɛ ɛ tomaa. Gel bɛlbwa jemɛ kɛŋɔ nomɛlbwa ta ŋwɛnɛ dɔe kɛŋɔ, ó ɡuŋi voɡ kɛɛ nɛn tɔpera fifraatoro nɔ baah ta, atane he ɡbo. Nomɛlbwa waa vɛh ɡɛ mmara nɔ la, bá lawɔ ka do nyujentena bɔɔ bini.

Daneɛl 6:7 ပူးပေါင်းရင်းမြစ်များ

Yela 10:9

Ba dɛ sɔh dɛɛ kpa kɛŋɔ nyujente ken, dɛ́ pɛɡle lawɛ nɛra baa wola nomɛlbwa dɔe ó lɛɛ ba, dɛ́ laɡ ba, dɛ́ tɛɡ ba kaa.

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

Yela 59:3

Na ɡɛ baa kaa sɔh dɛɛ kpaah mɛ! Nɛnchɔɡa dɛ vɔrɔwe n vɔrɔwa, kɛ dɛ n ta wechɔɡa bɛlbwa ɛɛ.

Yela 59:5

Korowii waa ɛ Koronar Bwa Kooro, Israel tena aa dɛ tomɛ, ir nyu ne, dɛ́ ba tɛr nɛra baa wola hen tomɛ la deŋne, bɛ dɔma baa ɛ nyubinikpeɡ tena la nɛɛ sune.

Yela 62:4

He dɛ nyin kɛ he lɔɔ harɛ le bodɛɛɡe waa soɡa, he sie dɛ lɛ nyosone teŋa ta. Wobosoma dɛ le he nyoo, kɛ he bambile ta te, taahna ɡbosoo.

Yela 83:5

Ba nyoa pɛo baa vɔrɔwe he vɔrɔwa. Nɛra baa kpɔ ba te dɛɛ ba ba yoi laanee nɔ,

Yela 94:20

He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

Daneɛl 2:4

Asɛ ba kpɔ Aram tena wobol chaŋe ŋɔ, “N naa kooro, Kórowii tɛɛ mkpajaŋ saŋ bɛlbwa! Bol he deera la baɡle he bonɔɔna, ásɛ ya baɡle a mun.”

Daneɛl 3:11

Dɛ berɛ ŋɔ nomɛlbwa waa wola ɡuŋe dɛ duuru la, bá kpɔɔ do nii aa lɔ fononoo bini.

Daneɛl 3:2

Asɛ dɛ yerɛ harɛ la ta nomonome ŋɔ bá cheme, koranar ne nomonome baa chɔ harɛre nyoo, ne laa sitɔɔla ne nɛra baa dɛ nyiŋi suuɡare ta, ne nomonome baa dɛ bol waa kɔɔto, dɛ nomonome baa kaa dɛ do harɛ la ta bwa ŋɔ bá ba cheme, ásɛ dɛ pili voɡ la.

Daneɛl 3:27

Asɛ koobii ne nomonome baa chɔ harɛ nyoo, ne laa sitɔɔla dɛ nomonome baa kaa dɛ do harɛ la ta bwa ba bar nɛra batoro la cheme dɛɛ nyiŋ ba. Ba nao kɛŋɔ nii la ta ba bwadabii fueh, á ba ɛ kɛŋɔ ba nyumpona ɛɛ nyaaroo, ba laala baa doa ɡe ta fueh. Nii sɔɔh ɡe ta ba nɛɛ tɔe.

Daneɛl 3:6

Nomɛlbwa waa vɛh ɡuŋa dɛ́ duu voɡ la la, baa kpɔɔ ka do nii aa lɔ fononoo binii.”

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Neehum 2:12

Ba do kɛŋɔ nyujente aa kpo ol, dɛ peeɡe o bini tɛ o haah ne bii, dɛ che ol la su o bɔɔ bini.

Matiu 12:14

Belaa Farisii tena la le bela dɛɛ vɔrɔwe kɛ bá kpo Yeesu.

Matiu 26:4

dɛ ka so dɛɛ nyin ŋwɛnɛ baa che o ta dɛ́ lawɛ Yeesu dɛ́ kpoo nomɛlbwa aa wola jemɛ.

Amanesoma Mak Aa Chwera Tɔn 15:1

Tɔɔ aa pera chɔmbibi ne la, Sɔfonomonome ne bwɛɛ nomonome ne Tɔnjerema bwa, Juu tena nomonome baa dɛ nyiŋi ba waa bini la te bwa, chemo dɛ vɔrɔwe Yeesu vɔrɔwa, dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

Amanesoma Jɔn Aa Chwera Tɔn 12:10

Anomanta, Sɔfonomonome la vɔrɔwɔ kɛŋɔ bá kpo Lasorɔs ɡba,