Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daneɛl 6:4 - mzwDBL

4 Anee o bala nomonjena la ne nomonome baa lee ba baa nyiŋi harɛ la bamperi la, ɛɛ nyin Daneɛl bwara wechɔɡa dɛ́ le kora la be pera, kɛ ba ta wone. Ba ta o bwara wechɔɡe bɛlbwa nae, dɛkalkɛ o waa wer dɛ dɔ kasinteŋ.

အခန်းကိုကြည့်ပါ။ ကော်ပီ




Daneɛl 6:4
32 ပူးပေါင်းရင်းမြစ်များ  

Asɛ kooro ŋɔ o nomonome la be ŋɔ, “Dɛ Josef laa, nomɛlbwa toole, o nɛɛ Korowii Doma so, onee dɛ́ won nyiŋi kondikwaa nɔ ta.”


Waa kpɔ ba dɛɛ kaa dem la, dɛ ba dɛ ɔmɛ, asɛ dɛɛ bol dɔŋa be ŋɔ, “Suuɡa la baa bera do ya bone bini la waa baa ba ya ne dem bonɔ la. Baa ɡuɡri yaa, dɛ́ lawɛ yaa yoma, dɛ́ kpɔ ya keeɡore.”


Gɛ nɛndɛɛɡe aa hah nɛn o wa aa wola kasinteŋ dɔe la, ɡɛɛ nɛnchɔɡe ɡe hah nɛn o wa aa toɡra.


Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.


Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”


Kɛ hen Korowii, he te jemɛ vɔrɔwa bwa baa dɛ vɔrɔwe dɛ́ kpo mɛ. Bɛ ba dichɔɡa kpɔ kɛ ba, kɛɛ dɛ́ fee ba wechɔɡa he sie. Gel ba choɡli chɔ he sie, ásɛ dɛ che he bandia ta tɛr ba deŋne kohona.”


N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”


Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.


A ɡɛ saŋee, Babelɔn harɛ wejerema bane baa jemɛ weweela waa la Kooro Nebukadnesa be, dɛ ka chɔɡ Juu tena tɛo.


Gɛ baa la sɔne Daneɛl, dɛ he mɛɛ dɛ yerɔ Bɛltesasa. He mɛɛ nao kɛŋɔ o liire wer o dɔ wejema dɛɛ no waa mun, dɛ won deera mun baɡla. O won waa aa kpeɡa ne sɛɡla ɡe bwa mun baɡla. Gel ba la ka yerɛ Daneɛl, ásɛ o ba baɡle a mun.”


Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”


dɛ ka so dɛɛ nyin ŋwɛnɛ baa che o ta dɛ́ lawɛ Yeesu dɛ́ kpoo nomɛlbwa aa wola jemɛ.


Dɛ o ɡbabir jemɔ kɛŋɔ bɔweela waa ba che Yeesu nɛɛ pɛɛpɛɛ dɛ kpɔɔ ba o be la.


Anomanta, ba sie lɔ o nɛɛ baa kpaahno dɛ dɔɔ. Ba tɛ nɛra bane suuɡa, dɛ tom ba ŋɔ bá ka haɡre Yeesu bela webɔɔre ne, a do kɛŋɔ siswɛm waa baa bɔɔ, ásɛ dɛ dɔɔ lawɛ, dɛ́ kpɔɔ do Rom nomoa waa dɛ di ba harɛ la kpeɡri nɔn ta.


Ba ta wone dɔ wobɛlbwa dɛ che a ta lawɔ nɛra siwi ta, asɛ ba nyoa kpo ba che surumm ken.


dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ che o ta kpo Yeesu, kɛ dɛ ba dɛ ɔmɛ bela tena la.


Baa ɛo ɡɛ la, Paelet le buse ja dɛ ba ŋɔ Juu tena la be ŋɔ, “Hɛ́ɛ no bonɔ, mɛɛ le o ne busee tɛ heya, ásɛ he jemɛ kɛ n ta wobɛlbwa o nɛɛ nae dɛ́ che a ta dɛ́ pao bolchɔɡe.”


Waa maa dɛ ɛ nɔ, maa a ɛɛ ɡela ba. Mɛɛ dɛɛ ɛ ɡɛɛ, ásɛ nɛra baa dɛ maŋkura ba te ŋɔ tombeŋkpoŋii ya ne baa ɛ la bɛ won dɔ ŋwɛnɛ dɛɛ maŋkura ba te.


dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.


Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.


Gel a toɡre kɛrɛdɛ, nɛra bɛ a wobɛlbwa dɔ dɛ́ bol, ásɛ nɛra baa dɛ tɔŋle heyaa bɛ ya wechɔɡe bɛlbwa dɔ dɛ́ bol, ásɛ sihiih kpo ba.


Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.


He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.


O mɛɛ ne o nya ta wone jemɛ kɛ Korowii bee a le wɛɛ nyin ŋwɛnɛ waa kpɔ o ta Samsen won ka yo Filisti tena. Gɛ saŋ dɛ banee dɛɛ nyiŋi Israel tena nɛ.


Ba ɡe chaŋe ŋɔ, “He ta yaa faahrɛ kɛɛ dɛ fiiɡi bɛlbwa, he ta komɛlbwa ɡe lɛɛ le nomɛlbwa be.”


Korowii aa ja Devid nɛɛ nomanta, wobɛlbwa waa ɛ́ la, dɛ a maɡrɔ tɛo.


Sɔfo Ahemɛlɛk chaŋe kooro ŋɔ, “He nomonome nɔ bwa bini ume waa dɔ kasinteŋ kɛ Devid waa ɛ he hela, dɛ berɛ chɔ nɛra baa dɛ daahne nyoa, dɛ dɔ duure kohona he dem ɔ?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ